08 Sentyabr 2021 22:37
605
CƏMİYYƏT
A- A+

Qafqaz Müsəlmanları İdarəsinin sədri Özbəkistanın ölkəmizdəki səfiri ilə görüşüb

 

Sentyabrın 8-də Qafqaz Müsəlmanları İdarəsinin sədri şeyxülislam Allahşükür Paşazadə Özbəkistanın Azərbaycandakı fövqəladə və səlahiyyətli səfiri Baxrom Aşrafxanovla görüşüb.

QMİ-nin mətbuat xidmətindən AZƏRTAC-a bildiriblər ki, səfiri salamlayan şeyxülislam A.Paşazadə iki qardaş dövlət arasında ənənəvi əlaqələrin Azərbaycan və Özbəkistan prezidentləri İlham Əliyevlə Şavkat Mirziyoyevin yaxın dost və qardaş münasibətləri sayəsində daha da möhkəmləndiyini qeyd edib, bu münasibətlərin gələcəkdə də inkişaf edəcəyindən əminliyini bildirib.

Allahşükür Paşazadə Azərbaycanın tarixi Zəfəri ilə başa çatan Vətən müharibəsi zamanı ölkəmizin haqq işinə verdiyi dəstəyə görə Özbəkistan dövlətinə və qardaş Özbəkistan xalqına bir daha dərin təşəkkürünü bildirib. Şeyxülislam qeyd edib ki, erməni işğalı nəticəsində dağıdılan məscidlərin, digər dinlərə məxsus abidələrin Azərbaycan Prezidenti İlham Əliyevin və Birinci vitse-prezident Mehriban xanım Əliyevanın xüsusi diqqət və qayğısı ilə bərpasına başlanıb.

Özbəkistan səfiri erməni işğalından azad olunan Ağdama səfər etdiyini, ermənilərin dini-mədəni və tarixi abidələrə qarşı törətdikləri əməllərdən sarsıldığını, yaxın günlərdə Özbəkistandan Azərbaycana gələcək rəsmi nümayəndə heyəti ilə birgə işğaldan azad olunmuş digər rayonlara da səfər edəcəyini bildirib.

Səfir Özbəkistan Prezidenti Şavkat Mirziyoyevin sərəncamı ilə şeyxülislam Allahşükür Paşazadənin iki ölkə arasında münasibətlərin inkişafındakı xidmətlərinə görə “Özbəkistan Respublikasının müstəqilliyinin 30 illiyi” medalı ilə təltif olunduğunu deyib. Səfir medalı və Özbəkistan Prezidenti Şavkat Mirziyoyevin imzaladığı vəsiqəni QMİ sədrinə təqdim edib.

A.Paşazadə diplomatdan təltifə görə Özbəkistan dövlətinin başçısına minnətdarlığını və xeyir-dualarını yetirməyi xahiş edib.

Sonda xatirə şəkili çəkdirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video