08 Sentyabr 2021 12:15
2017
CƏMİYYƏT
A- A+

“Patı”dan istifadə edənlər arasında zərif cinsin nümayəndələrinin sayı da kifayət qədərdir

 

Psixotrop maddələr, narkotik vasitələr insanın “zövq almasının”, əziyyət çəkmədən öz xəyallarını, fantaziyalarını yaşamasının ən yüngül yoludur. Çox təəssüf ki, əksər hallarda insanların həmin maddə və vasitələrdən imtinası qeyri-mümkündür. İldə 2-3 növ yeni narkotik vasitə sintez olunur. Həmin vasitələrə qarşı mübarizə aparmağın ən səmərəli yolu antidotun kəşf edilməsidir. Bu da uzun müddət çəkə və o vaxta qədər yeni narkotik sintez oluna bilər.

Bu barədə AZƏRTAC-a Azərbaycan Tibb Universitetinin psixiatriya və narkologiya kafedrasının dosenti, tibb üzrə fəlsəfə doktoru Araz Manuçehri-Lalei məlumat verib.

Mütəxəssis bildirib ki, ölkəmizə yeni gələn, gənclər arasında istifadəsi genişlənən və “patı” adlandırılan metamfetamin və amfetaminin çoxdan mövcud olan və psixostimulyatorlar qrupuna daxil olan narkotiklərdir: “Amfetamin ilk dəfə Almaniyada, metamfetamin isə Yaponiyada istehsal edilib və Birinci və İkinci Dünya müharibələrində, o cümlədən 1960-cı illərdə bəzi ölkələrdə hərbçilər, kəşfiyyatçılar, snayperlər tərəfindən istifadə olunub. Onların yan təsirləri aşkarlanandan sonra istifadəsi qadağan edilib. Amfetamin əsas maddədir, metamfetamin ondan hazırlanır. Hər ikisinin təsiri eynidir. “Patı” deyilən həmin narkotik vasitələr çox ağır və çox ciddi narkotiklərdir. Onlar qısa müddət ərzində insana qəhrəmanlıq hissi verir. Həmin narkotikləri qəbul edəndən sonra ilk başlarda təfəkkür, yaddaş, diqqət, intellekt sürətlənir, güclənir, qavrama qabiliyyəti qat-qat artır. Çox maraqlıdır ki, həmin narkotik vasitələr bəzi insanların hansısa sahə üzrə mövcud qabiliyyətlərini daha da artırır. Əksər insanlar isə onları qəbul etdikdən sonra xoşagəlməz, yersiz hərəkətlərə yol verir, lazımsız sözlər deyirlər. Bir müddətdən sonra isə insanda fiziki və psixoloji tükənmə yaranır və həmin maddələrdən istifadə asılılıq halına gəlir. “Patı”dan istifadə edənlər arasında zərif cinsin nümayəndələrinin sayı da kifayət qədərdir. Belə ki, qısa və asan yolla arıqlamaq istəyən qadınlar və qızlar belə qeyri-sağlam üsula əl atırlar..

Müşahidələrimə görə, bəzi cavanlar, gənclər iş yerlərində özlərini daha yaxşı göstərməyin, verilən tapşırıqları qısa müddətdə, yorulmadan və yüksək səviyyədə yerinə yetirməyin ən yüngül və ucuz yolunu metamfetamin istifadəsində görürlər. Bir müddət istədiklərinə nail olurlar. Lakin getdikcə həmin vasitədən asılılıq yaranır və ondan ayrıla bilmirlər. Üzümü gənclərə, cavanlara tutub demək istəyirəm ki, “ağ ölüm” adlandırılan narkotik vasitələrdən uzaq dursunlar. “Bir dəfə ilə heç nə olmaz” deyib keçməsinlər. Çünki hər şey bir dəfədən başlayır. İlk anlar aldadıcı həzz, eyforiya getdikcə dozaların artırılmasına səbəb olur ki, bu da bir çox hallarda ölümlə nəticələnir. Narkotik vasitələrin istifadəsinə başlamaq ölümə doğru iri addım atmaq deməkdir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video