24 May 2013 03:05
410
PARLAMENT
A- A+

Parlamentlərarası əlaqələr yüksək səviyyədədir

 

Azərbaycanda səfərdə olan Koreya Respublikası Milli Assambleyasının sədr müavini Park Byonq-Soqun başçılıq etdiyi nümayəndə heyəti dünən Milli Məclisin Koreya Respublikası-Azərbaycan parlamentlərarası dostluq qrupunun üzvləri ilə görüşüb. Görüşdə Koreya-Azərbaycan parlamentlərarası dostluq münasibətləri müzakirə olunub.

Dostluq qrupunun rəhbəri, Milli Məclisin deputatı Malik Həsənov koreyalı həmkarlarının Azərbaycana səfərini yüksək qiymətləndirib: "Hesab edirik ki, bu səfəriniz Koreya Respublikası Milli Assambleyası ilə Azərbaycan Respublikasının Milli Məclisi arasındakı dostluq əlaqələrinin daha da inkişaf etməsinə təkan verəcək. Bu gün hər iki ölkə arasında mühüm dostluq əlaqələri formalaşıb. Bütün istiqamətlərdə, o cümlədən iqtisadi, energetika və sənaye sahələrində sıx əlaqələrimiz mövcuddur. Bu günə qədər Koreya və Azərbaycan arasında 46 əməkdaşlıq sənədi imzalanıb. Bu sənədlərin hamısı ölkələrimiz arasındakı dostluq əlaqələrinin inkişafına şərait yaradır. Parlamentlərarası əlaqələrimiz də yüksək səviyyədədir. Koreya Respublikası Milli Assambleyasında Azərbaycan dostluq qrupunun fəaliyyət göstərməsi təqdirəlayiq haldır. Hesab edirik ki, hər iki ölkə nümayəndələrinin qarşılıqlı səfərləri, aparılan danışıqlar əməkdaşlığımızın daha da inkişaf etdirilməsinə təkan verəcəkdir".

Koreya Respublikası Milli Assambleyasının sədr müavini Park Byonq-Soq isə deyib ki, Azərbaycan son 10 ildə özünün inkişaf dövrünü yaşayır və beynəlxalq arenada böyük imicə malikdir: "İnanıram ki, bu görüşümüz əlaqələrimizin inkişafında xüsusi rol oynayacaq. Azərbaycan və Koreyanın sənaye sahəsində böyük imkanları var. Düşünürəm ki, bu sahədə əməyimizi birləşdirməklə böyük nailiyyətlər əldə edərik. Biz hər hansı bir ölkəyə sərmayə qoyarkən təkcə öz maraqlarımızı nəzərə almırıq. Qarşı tərəfin də maraqları bizim üçün çox vacibdir. O cümlədən Azərbaycana da eyni münasibəti bəsləyirik, istəyirik ki, bizim malik olduğumuz təcrübədən yararlanıb  öz ölkənizdə tətbiq edəsiniz. Koreya Azərbaycanla əlaqələrin yüksək dostluq müstəvisində olmasına çox böyük önəm verir".

 

Elgün MƏNSİMOV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video