04 Noyabr 2012 01:11
512
PARLAMENT
A- A+

Parlament nümayəndə heyəti Malayziya və İndoneziyaya səfər edəcək

 

Milli Məclisin Sədri Oqtay Əsədovun başçılığı ilə parlament nümayəndə heyəti noyabrın 5-dən 8-dək Malayziyada, noyabrın 8-dən 11-dək isə İndoneziya Respublikasında rəsmi səfərdə olacaq. Nümayəndə heyətinin tərkibinə parlamentin İnsan hüquqları komitəsinin sədri Rəbiyyət Aslanova, deputatlardan Bəxtiyar Əliyev, Çingiz Əsədullayev, Mirkazım Kazımov, Milli Məclis Aparatının rəhbəri Səfa Mirzəyev və digər rəsmi şəxslər daxildirlər.

Milli Məclisin mətbuat katibi Akif Nəsirov dünən keçirdiyi brifinqdə bu barədə məlumat verərək dedi ki, Malayziyaya səfər çərçivəsində nümayəndə heyəti ölkə parlamentində olacaq, Malayziya qanunvericilik orqanının fəaliyyəti ilə maraqlanacaq, parlamentin plenar iclasını müşahidə edəcək. Milli Məclis Sədrinin Malayziya parlamentinin hər iki palatasının rəhbərləri ilə görüşləri də nəzərdə tutulmuşdur. Görüşlərdə parlamentlərarası əlaqələrimizin hazırkı vəziyyəti və inkişaf perspektivləri, qanunvericilik sahəsində təcrübə və informasiya mübadiləsi barədə danışıqlar aparılacaq.

Nümayəndə heyətinin Malayziya Baş nazirinin ofisində keçiriləcək görüşündə ikitərəfli əlaqələrimizin dərinləşdirilməsi məsələləri müzakirə olunacaq.

Parlament nümayəndə heyətinin İndoneziyaya səfəri zamanı nümayəndə heyətinin üzvləri ölkə parlamentinin fəaliyyəti ilə tanış olacaq, İndoneziya Xalq Məşvərət Məclisinin Sədri, Regional Nümayəndələr Şurasının rəhbərliyi ilə görüşlər keçirəcək, qanunverici orqanlar arasında münasibətlərimizin inkişaf istiqamətləri barədə fikir mübadiləsi aparacaqlar.

Milli Məclis Sədrinin ölkə Prezidenti və xarici işlər naziri ilə nəzərdə tutulmuş görüşlərində iqtisadi, mədəni, humanitar sahələrdə ikitərəfli əməkdaşlığın genişlənməsi, regional münaqişələrin həlli yolları və digər məsələlər müzakirə olunacaq.

 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video