Pambıq yığımına hazırlıq görülür
44 günlük Vətən savaşında Tərtər şəhəri də daxil olmaqla rayonun 40 yaşayış məntəqəsinə 16277 top, tank, qrad mərmisi, 21 qadağan olunmuş raket atılmışdır.
Çox sayda yaşayış evləri, məktəblər, xəstəxanalar, müxtəlif təyinatlı sosial obyektlər, infrastruktur qurğuları dağıdılmışdır.
Rayon iqtisadiyyatında əhəmiyyətli xüsusi çəkiyə malik, pambıqçılıqla məşğul olan MKT ASC-nin Tərtər filialı da o vaxt düşmən hədəfinə çevrilmişdir. Pambıq zavodunun həyətinə atılan 30-a yaxın raket və artilleriya mərmisi strateji əhəmiyyətli bu istehsal müəssisəsinin xeyli avadanlıq və qurğularını sıradan çıxarmış, ona böyük həcmdə maddi ziyan vurmuşdur.
Bu səbəbdən yaranan çətinlik və problemlərə baxmayaraq, MKT ASC-nin Tərtər filialı ötən təsərrüfat ilini yüksək nailiyyətlərlə başa vurdu. Keçən il torpaq istifadəçiləri ilə bağlanan müqavilələr əsasında 1731 hektarda pambıq əkilib-becərildi. Aqrotexniki tələblərə ciddi əməl edilməsi nəticəsində orta məhsuldarlıq yüksək səviyyəyə - 41,5 sentnerə çatdı.
Bu, MKT ASC-nin pambıqçılıq rayonları arasında qazanılan ən yüksək nəticə idi.
Cari ildə də rayon üzrə əkilən 3440 hektar pambığın 1810 hektarı MKT Tərtər filialının payına düşür. Hazırda tarlalarda sonuncu kompleks becərmə işləri gedir. Pambıqçılar bu il sudan da korluq çəkməyiblər. Suqovuşanın işğaldan azad edilməsi Tərtərdə əkinlərin su təminatında illərdən bəri davam edən problemin aradan qaldırılmasında əhəmiyyətli rol oynadı.
İndi yavaş-yavaş ağ örpəyə bürünən tarlalar bol məhsuldan xəbər verir. Qabaqcıl fermerlər Feruz Rzayev, İlham Ağayev, Hüseyn Aslanov bu il hər hektardan azı 50 sentner məhsul götürmək əzmindədirlər.
Bu günlər becərmə ilə yanaşı, məhsul yığımına da hazırlıq görülür. Filialın direktoru Feruz Hacıyev:
- Pambıq bu yerlərin qiymətli sərvətidir. Onun bolluğu kənd əhalisinin firavan həyatını, yaxşı dolanışığını təmin edir. Məncə, pambıqçılıqda uğur qazanmağın iki vacib şərti var: birinci, bol məhsul yetişdirmək, ikincisi, böyük zəhmət bahasına yetişdirilən həmin məhsulu tez və itkisiz yığıb tədarük etmək. İndi biz məhsul yığımına hazırlaşırıq. Yığım və nəqliyyat texnikası təmir edilib saz vəziyyətə gətirilmişdir. Mövcud 8 pambıqyığan maşının, 23 nəqliyyat traktorunun, 46 lafetin, 3 yükləyicinin hamısı start xəttindədir. Biz məhsul yığımında həmişə texnikanın gücünə arxalanırıq. Keçən ilin bütün məhsulu maşınlarla yığıldı. İşin bu cür təşkili əkinçiyə də xeyirdi, bizə də. Pambığın maşınla yığılması istehsal olunan məhsulun maya dəyərini əhəmiyyətli dərəcədə aşağı salır. Bu isə çox vacib şərtdir.
Lazım QULİYEV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yaz mövsümü və allergik xəstəliklər
29 Mart
Əmək və əhalinin sosial müdafiəsi naziri Neftçalada vətəndaşları qəbul edib
29 Mart
Bakıda VI Ümumdünya Mədəniyyətlərarası Dialoq Forumu keçiriləcək
29 Mart
Barselonada ekstremal quraqlıq hökm sürür
29 Mart
Erməniəsilli şəxs xarici işlər naziri oldu - Fələstində
29 Mart
Ermənistanda Vladimir Solovyovun verilişlərinin yayımı bloklanıb
29 Mart
"Qarabağ" - "Braqa" oyununun hakimləri bəlli olub
29 Mart
Lavrov: Münasibətləri pozan Paşinyandı
29 Mart
ABŞ-ın Ukraynaya yardımının ümumi məbləği 113 milyard dolları keçib
29 Mart
Sabah ölkə ərazisində hava şəraiti dəyişkən buludlu olacaq
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!