09 Aprel 2021 12:17
1008
DÜNYA
A- A+

Özbəkistan Aral dənizinin quruyan hissələrində yaşıllaşdırmanı və kənd təsərrüfatını inkişaf etdirəcək

 

Özbəkistan Aral dənizinin quruyan hissələrində meşə zolağı yaratmağı, yaşıllaşdırmanı və kənd təsərrüfatını, həmçinin ekoloji müxtəlifliyi inkişaf etdirməyi planlaşdırır.

AZƏRTAC xəbər verir ki, bu haqda jurnalistlərə akademik Zinoviy Noviski məlumat verib.

O deyib ki, Aral fəlakətini aradan qaldırmaq üçün başqa yol qalmır. Biz bir neçə il əvvəl dənizin səhraya çevrilən ərazilərində meşə zolağı salmağa və yaşıllaşdırma işlərinə başlamışıq. Özbəkistan Qazaxıstan tərəfə də belə təklif verib. Belə ki, Aral hər iki ölkənin ərazisinə düşür. Özbəkistan ərazisində dənizin ancaq qərb hissəsi qalıb, qalan yerlər səhraya çevrilib. Hər il Aralın sahili 60 santimetr geri çəkilir. Ekoloji fəlakət ucbatından dənizin flora və faunası tam yox olmaq təhlükəsi ilə üzləşib.

Akademik bildirib ki, ekoloji fəlakət regionda yaşayan insanların orqanizminə zərbə vurur, əhali arasında xərçəng və vərəm xəstəlikləri geniş yayılıb.

Xatırladaq ki, Aral 1960-cı ildə sahəsinə görə dünyada dördüncü göl sayılıb. Son 40 ildə onun sahəsi 2-3 dəfə kiçilib, suyun səviyyəsi 18 metr aşağı düşüb. Suyun duzluluğu artdığına görə balıq ehtiyatları tamamilə tükənib. Güclü külək qumu sovuraraq uzaq yaşayış məntəqələrinə qədər aparıb və beləcə ekoloji fəlakət zonası yaranıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video