26 May 2013 12:05
920
Hüquq məsləhəti
A- A+

oxucuların suallarına cavab verir

 

Bir sənədi tərcümə etdirib notarial qaydada təsdiqlətdirməliyəm. Bilmək istərdim,  bir səhifənin tərcümə haqqı nə qədərdir?

 

Tuqay Əlizadə,

Xırdalan şəhəri

 

- "Dövlət rüsumu haqqında" qanunun 10.17-ci maddəsinə əsasən, tərcüməçinin imzasının həqiqiliyinin (hər imza üçün) təsdiqinə görə 2 manat dövlət rüsumu ödənilməlidir. Həmin qanunun 10.18-ci bəndinə müvafiq olaraq sənədlərin bir dildən başqa dilə tərcüməsinin düzgünlüyünün təsdiqi (hər səhifəyə görə) üçün ödəniləcək dövlət rüsumunun məbləği 2 manatdır. Lakin qeyd edək ki, bunlar notarius tərəfindən göstərilən xidmətlərə görə ödənilməli olan dövlət rüsumu məbləğləridir.

Sənədin hər səhifəsinin bir dildən başqa dilə tərcüməsi üçün ödənilməli olan xidmət haqqı tərcümə xidməti göstərən şəxslə sizin qarşılıqlı razılığınıza əsasən sərbəst şəkildə müəyyənləşdirilir.

 

29 yaşım var. Rayondan gələrək Bakı şəhərində daimi pasport qeydiyyatına düşmüşəm. Hərbi qeydiyyata isə düşməmişəm. Hərbi qeydiyyata düşməyim də vacibdirmi?

 

B.Səfixanov,

Bakı şəhəri

 

- "Hərbi vəzifə və hərbi xidmət haqqında" qanunun 4.1-ci maddəsinə görə, bütün çağırışçılar və hərbi vəzifəlilər hərbi qeydiyyata alınmalıdırlar. Həmin qanunun 4.2-ci maddəsinə müvafiq olaraq çağırışçıların və hərbi vəzifəlilərin hərbi qeydiyyatı onların yaşayış yeri üzrə, 3 aydan artıq müddətə yaşayış yerini dəyişdirdikdə isə olduğu yer üzrə müvafiq icra hakimiyyəti orqanı (Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri) tərəfindən aparılır.  Qanunun 7.2-ci maddəsinə əsasən, hərbi vəzifəlilər və çağırışçılar yaşayış yerini 3 aydan çox müddətə dəyişdirdikdə yaşayış yeri üzrə hərbi qeydiyyatdan çıxmalı və olduğu yer üzrə hərbi qeydiyyata durmalıdırlar. Adıçəkilən qanunun 7.3-cü maddəsinə görə, hərbi vəzifəlilər və çağırışçılar yaşayış yerini dəyişərkən 10 gün müddətində hərbi qeydiyyatda olduqları müvafiq icra hakimiyyəti orqanına (Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə) məlumat verməlidirlər.

Odur ki, siz yaşadığnız yer üzrə hərbi qeydiyyata alınmaq üçün müvafiq icra hakimiyyəti orqanına (Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri) müraciət etməlisiniz.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video