18 Oktyabr 2011 03:10
618
Təhsil
A- A+

Ötən 20 ildə AMEA-nın Memarlıq və İncəsənət İnstitutu əməkdaşlarının iki mindən çox kitabı nəşr olunmuşdur

 

Oktybarın 17-də AMEA-nın Memarlıq və İncəsənət İnstitutunda Azərbaycanın dövlət müstəqilliyinin bərpasının 20-ci ildönümünə həsr olunmuş "Tarix və incəsənət tarixi" mövzusunda elmi konfrans keçirilmişdir.

AzərTAc xəbər verir ki, tədbirdə institutun direktoru, professor Ərtegin Salamzadə "Azərbaycan sənətşünaslığı müstəqillik illərində" mövzusunda məruzə ilə çıxış etmişdir.

Memarlıq və İncəsənət İnstitutunun 60 illik şərəfli bir tarixi yol keçdiyini diqqətə çatdıran Ə.Salamzadə bildirmişdir ki, hazırda institutda 10 şöbə fəaliyyət göstərir.

Müstəqillik illərindən başlayaraq institutun əməkdaşları tərəfindən milli-mədəni irsimizin öyrənilməsi istiqamətində aparılmış işlərdən, beynəlxalq əlaqələrinin genişlənməsi istiqamətində atılan məqsədyönlü addımlardan söz açan natiq bildirmişdir ki, dövlətimizin müstəqilliyinin bərpa edilməsi bütün sahələrdə olduğu kimi bizim də işimizdə əsaslı dönüş yaratmışdır.

Vurğulanmışdır ki, ötən 20 ildə institutun əməkdaşları araşdırdıqları, tədqiq etdikləri sahələri özündə əks etdirən 2 mindən çox kitab nəşr etdirmişlər. Bu kitabların 200-ü monoqrafiyadır. Eyni zamanda əməkdaşlarımızın bir çox əsərləri xarici ölkələrdə işıq üzü görmüşdür. Bütün bunlar bizi olduqca sevindirir.

Son illər ərzində Memarlıq və İncəsənət İnstitutunun  təşəbbüsü ilə bir çox beynəlxalq konfranslar keçirilmişdir. Qarşılıqlı  əməkdaşlığa xüsusi önəm verən institut dünyanın, eləcə də MDB-nin bir çox müvafiq qurumları ilə əməkdaşlıq müqavilələri bağlamışdır.

Tədbirdə milli-mənəvi irsimizin tədqiqi istiqamətində qarşıda duran vəzifələr və AMEA-nın Memarlıq və İncəsənət İnstitutunun əməkdaşlarının yorulmaz fəaliyyəti bir daha geniş şərh edilmişdir.

Konfransda "Müstəqillik dövründə Azərbaycan musiqisi", "Müstəqillik dövründə Azərbaycan musiqisi beynəlxalq məkanda", "Xalça sənəti müasir dövrdə" və digər mövzularda məruzələr dinlənilmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video