“Ömür” klinikasında şəhid anaları və xanımları üçün tibbi müayinə keçirilib
Oktyabrın 16-da “Vətən Müharibəsi Əlillərinə Kömək” İctimai Birliyi ilə Yeni Azərbaycan Partiyasının Sabunçu Rayon Təşkilatının birgə təşkilatçılığı ilə “Ömür” klinikasında Vətən müharibəsinin ildönümü münasibətilə şəhid anaları və xanımlarına tibbi dəstək göstərmək məqsədilə aksiya təşkil edilib.
AZƏRTAC xəbər verir ki, aksiya zamanı rentgen, ultrasəs, kompüter tomoqrafiyası müayinələri aparılıb, həkim qəbulu, laborator analizlər və digər tibbi xidmətlər göstərilib.
Aksiyada çıxış edən ictimai birliyin icraçı direktoru Zamin Zeynal qeyd edib ki, ötən ilin payızında başlanılan və 44 gün davam edən Vətən müharibəsi nəticəsində xalqımız çox böyük qələbə qazanıb, 30 ilə qədər erməni işğalı altında olan torpaqlarımız azad edilib. Bu böyük Zəfər qəhrəman Vətən oğullarının canı və qanı bahasına başa gəlib. Bu torpaq uğrunda canını fəda edən, həyatından keçən hər kəsin xatirəsi bizim üçün əzizdir və onların müqəddəs ruhu qarşısında borcluyuq. Şəhidlərin anaları və xanımları üçün bu aksiyanı keçirməklə onların əziz xatirəsi qarşısında öz vətəndaşlıq borcumuzu yerinə yetirməyə çalışırıq. Nə qədər ki bu Vətən var, nə qədər ki bu torpaq var, onlar bizim iftixar və qürur yerimiz olaraq qalacaqlar.
Klinikanın direktoru Tansu Məmmədzadə bildirib ki, Prezident, Ali Baş Komandan İlham Əliyevin rəhbərliyi ilə Azərbaycan zabit və əsgərlərinin şücaəti, xalqın birliyi hesabına möhtəşəm bir Zəfər qazanılıb. Bu yolda qurban gedən cəsur Vətən müdafiəçiləri həmişə qəlbimizdə yaşayacaq və tarixi torpaqlarımıza qovuşduğumuza görə hər kəs özünü onlara borclu hesab edir. Biz də öz ehtiramımızı onların analarına və həyat yoldaşlarının sağlamlığına göstərdiyimiz qayğı ilə ifadə edirik .
Kürdəmirdən gələn aksiya iştirakçısı Simuzər Bağıyeva deyib: “Oğlum Mərahim hərbçidir, leytenant kimi Vətən müharibəsində iştirak edib, Füzulidən Şuşaya qədər döyüş yolu keçib. İkinci oğlum Cəmil Həşimli gizir idi, haqq savaşının ilk günündən torpaqlarımızın müdafiəsinə qalxıb. Oktyabrın 6-da onların hərbi hissəsi Füzuli rayonunun Əbdürrəhmanlı kəndində iki postu azad edib, üçüncü post uğrunda döyüşdə Cəmil şəhidlik zirvəsinə yüksəlib. Üçüncü oğlum Cavid isə həmin vaxt hərbi xidmətdə olub. Əlbəttə, bir ana kimi Cavidin itkisi ağrılıdır, məni çox göynədir, lakin təsəllim odur ki, uğrunda qurban getdiyi Vətən torpağı bu gün azaddır. Şəhid ailəsi kimi hər cür qayğı ilə əhatə olunmuşuq. Heydər Əliyev Fondu və “YAŞAT” Fondu ailəmizə maddi yardımlar göstərib, uşaqlarım işlə təmin olunublar. Rayonda ev növbəsindəyik. Bugünkü tibbi aksiya bizim sağlamlığımıza göstərilən daha bir qayğı nümunəsidir”.
Ötən il oktyabrın 1-də Kəlbəcərdə Murov uğrunda döyüşlərdə şəhid olan Milli Ordunun baş leytenantı Turan Əsgərlinin həyat yoldaşı Vüsalə deyib: “Turan bütün varlığı ilə torpağa, yurda bağlı bir zabit idi. O, Kəlbəcər uğrunda döyüşlərdə çox böyük qəhrəmanlıq göstərib. Ölümündən sonra o, “Vətən uğrunda”, “Şücaətə görə” və “Kəlbəcərin azad olunmasına görə” medalları ilə təltif olunub. Bir neçə ay bundan əvvəl ailəmizə Ramanada inşa edilən yaşayış kompleksində ikiotaqlı təmirli ev verilib. Hazırda qızlarım 5 yaşlı Sevgi və 2 yaşlı Sunayla həmin mənzildə yaşayıram. Bizə Heydər Əliyev Fondu və “YAŞAT” Fondu tərəfindən yardım göstərilib. Şəhid ailələrinin sağlamlığına yönəlmiş belə aksiyaların keçirilməsi çox yaxşı haldır və onun davamlı olmasını arzu edərdik”.
Tibbi müayinə aksiyasında 40-dan çox şəhid anası və xanımı iştirak edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
Naxçıvandan Qarabağa yollanan şəhid ailələri Füzuli rayonunda olublar
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!