22:23 19 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Oğuz qonaqların yolunu gözləyir
ANA SƏHİFƏ / OXUCU MƏKTUBLARI
12:04 23.04.2017

 

Rayonumuz kifayət qədər böyük turizm potensialına malikdir. Həm çoğrafi mövqeyi - unikal təbiəti, meşələri, dağları, çayları, şəlalələri, bulaqları, eləcə də tarixi abidələri,  fərqli mədəniyyətlərin qalıqları  Oğuzu turistlər üçün cəlbedici edir. Son dövrlər Oğuza gələn turist sayı az olmasa da, bundan qat-qat artıq qonaq qəbul etmək imkanına malikik. Turizmin daha da inkişaf etdirilməsi üçün rayonda müvafiq infrastrukturun yaradılması ilə yanaşı, mövcud şəraitin tanıdılması, təbliği də şərtdir. Ölkədə aparılan qlobal abadlıq və infrastruktur layihələri Oğuzu da əhatə edib.  İndi bizim əsas məqsədimiz rayonumuzu  dünyaya tanıtmaq, bura turist marağını artırmaqdan ibarətdir.

Oğuz ərazisində 40-a yaxın arxeoloji və memarlıq abidəsi mövcuddur. Bu abidələrdən 32-si dövlət tərəfindən mühafizə olunur. 17 abidə ölkə, 15-i yerli əhəmiyyətlidir. Rayonda qədim alban məbədlərinin, XIV əsrə aid Muxas qülləsinin, Surxay xan qalasının qalıqları bu günə kimi durur. Sarısu çayının üstündəki “Daş üz” körpüsü, Sincan kəndindəki məscid, Kərimli kəndindəki məqbərə (XV əsr) rayonun qədim tarixi abidələrindəndir. Oğuz şəhərində XIX əsrə aid   sınaqoq da var.

Aparılan arxeoloji qazıntılar zamanı Kərimli kəndinin cənubunda Karqaya, Uzuntala, Qız qalaları, Ocaq qoruğu adlanan ərazidə qədim dövrə aid çoxlu maddi mədəniyyət nümunələri aşkar edilib. Qarabaldır, Padar, Dəymədərə, Tərkeş kəndləri və Türyançay ilə Əlician çayları arasındakı ərazilərdə qədim dövrlərə aid çox sayda arxeoloji abidə üzə çıxarılıb. Eyni zamanda  Qarabaldır, Xalxal, Sincan, Dəymədərə kəndlərində qədim dövrə aid kurqanlar, daş qutu, adi torpaq qəbirlər tapılıb.  Oğuzdakı  7 alban məbədindən   3-ü rayon mərkəzində, 2-si Qarabular, digər 2-si Calut kəndlərindədir. Mərkəzdəki  məbəd tam bərpa edildikdən sonra burada Oğuz Rayon Tarix-Diyarşünaslıq Muzeyi təşkil olunub.

Təəssüf ki, Oğuzdakı  tarixi-memarlıq abidələri, maddi mədəniyyət nümunələri və qədim dövrlərin qalıqları mütəxəssislər tərəfindən yetərincə öyrənilməyib. Şübhəsiz, bu iş genişləndirilsə, əldə edilən bilgilər mötəbər orqanlar, mütəxəssislər tərəfindən qeydə alınıb rəsmiləşdirilsə və bu məlumatlar beynəlxalq turizm sistemlərində, tədbirlərində yayılsa, Oğuza turist marağı xeyli artar.

Əlbəttə, turist üçün getdiyi yerin mətbəxi, əyləncə-istirahət şərtləri və insan amili - onlara göstəriləcək münasibət də əhəmiyyət kəsb edir. Bu baxımdan da Oğuz hər turistin könlünü xoş edəcək imkanlara malikdir: mətbəximiz zəngin, yeməklərimiz ləziz, müasir əyləncə-istirahət mərkəzlərimiz yetərincədir. Ən başlıcası isə Oğuz hər kəsi Azərbaycan xalqına məxsus xüsusi qonaqpərvərlik, insansevərliklə qarşılayıb yola salmağa hazırdır. Odur ki, Oğuzu görmək niyyətində olanlara deyirik: heç tərəddüd etmədən gəlin.

                                                                                 

Arif CAVADOV,

Oğuz sakini

 



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM