15 Sentyabr 2021 10:34
727
DÜNYA
A- A+

Narkotik vasitələrinin qaçaqmalçılığı ilə mübarizə İrana baha başa gəlir

 

Əfqanıstandan gətirilən narkotik vasitələr İran ərazisindən Avropaya daşınır. Narkotik vasitələrin qaçaqmalçılığı ilə mübarizə İrana çox baha başa gəlir.

AZƏRTAC xəbər verir ki, bu sözləri İran parlamentinin milli təhlükəsizlik komitəsinin sədri Vahid Cəlalzadə Danimarkanın Tehrandakı səfiri Yesper Vahr ilə görüşündə deyib. O bildirib ki, Avropa İttifaqı qaçaqmalçılıqla mübarizədə İrana yardım etməyə söz versə də, buna əməl etməyib.

Qeyd edək ki, Əfqanıstandan narkotik vasitələr qaçaqmalçılıq yolu ilə İrana, buradan isə Türkiyə və Avropaya daşınır. Hər il İran polisi və sərhəd xidmətinin əsgərləri 10 min tondan çox narkotik vasitə müsadirə edirlər. Qaçaqmalçılıqla mübarizədə ildə təxminən 4-7 polis əməkdaşı həlak olur. Silahlı narkotik qaçaqmalçıları İran sərhədini qanunsuz və silahlanaraq keçməyə çalışırlar. İranın Şərq sərhədlərində vəziyyəti nəzarət altına almaq üçün hökumət külli miqdarda vəsait xərcləyir. Hazırda iqtisadi sanksiyalar altında olan İran bu mübarizədə əziyyət çəkir. Ölkə iqtisadiyyatı sanksiyalar ucbatından çətin durumdadır. Maddi çətinliklər var ki, bu da narkotik vasitələrin qaçaqmalçılığına qarşı mübarizənin səmərəsini azaldır. Bu səbəbdən də İran Avropa İttifaqından verdiyi vədi yerinə yetirməyi və narkotik vasitələrin Avropaya daşınmasının qarşısının alınmasında yardım etməyi istəyir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video