30 Dekabr 2011 01:12
326
İQTİSADİYYAT
A- A+

Müsabiqə iştirakçılarına hədiyyələr təqdim edildi

 

ARDNŞ-nin 2011-ci il "Yay təcrübəsi" proqramında iştirak etmiş tələbələr arasında keçirilmiş inşa müsabiqəsinin qaliblərinə hədiyyələr təqdim olunub.

Şirkətin kadr, rejim və informasiya texnologiyaları üzrə vitse-prezidenti X.Məmmədov müsabiqədə qalib gəlmiş Aynur Baharova, Elvira Hüseynova və Vüsalə Məmmədovanı təbrik edərək bildirib ki, ARDNŞ perspektivli gəncləri daim diqqət mərkəzində saxlayır. Şirkət artıq 7 ildir perspektivli gənc neftçi mütəxəssislərin hazırlanması, tələbələrin neft-qaz sənayesi, emal və neft kimyası sahələrində müasir elmi və təcrübi biliklərə yiyələnməyə həvəsləndirilməsi məqsədilə müxtəlif proqramlar həyata keçirir. Bugünə qədər həmin proqramlara qatılmış gənclər fəallıqları və yüksək bilikləri ilə seçiliblər. Vitse-prezident yaxşı oxuyan hər bir gənc üçün ARDNŞ-nin geniş imkanlar açdığını söyləyib. Daha sonra X.Məmmədov qaliblərə şirkətin hədiyyələrini təqdim edib, onları qarşıdan gələn Yeni il və Dünya Azərbaycanlılarının Həmrəylik Günü münasibətilə təbrik edib.

Qeyd edək ki, "Mənim ARDNŞ-də Yay təcrübəm" mövzusunda inşa müsabiqəsi 27 oktyabr - 30 noyabr tarixlərində 53 tələbənin iştirakı ilə keçirilib. Müsabiqədə tələbələr təcrübə müddətində yerinə yetirdikləri işlər, ixtisas və işin təşkili sahəsində öyrəndikləri əməli biliklər barədə fikirlərini, təcrübənin daha da səmərəli təşkili üzrə təkliflərini, həmçinin vacib saydıqları digər məsələlər barədə mülahizələrini ifadə ediblər. 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video