04 Avqust 2017 01:08
859
Oxucu məktubları
A- A+

Müraciətlərimiz cavabsız qalıb

 

Bərdə şəhər sakinlərini narahat edən bir məsələdən söz açmaq istəyirəm: şəhərimizdə kommunal xərclərin ödənilməsində əksər ailələr üçün müəyyən çətinliklər var. Poçtda uzun növbələr yarandığından biz hər dəfə işıq pulu ödəyəndə əsəb gərginliyi yaşamalı oluruq. Başqa sözlə, saatlarla növbədə gözləməyə məcburuq. Əks halda qaranlıqda qalmağa məhkumuq. Sayğaclar elektron, smart tipli olduğundan  ödəniş, yükləmə kart vasitəsilə edilməlidir. Şəhərdə isə ödəniş məntəqəsi azdır. Bu da belə bir vəziyyətə gətirib çıxarıb.

Bildiyimizə görə, yeni ödəniş məntəqələrinin açılması rayon elektrik şəbəkəsinin səlahiyyətləri daxilindədir. Üzləşdiyimiz bu problemlə bağlı çoxsaylı müraciətlərimiz cavabsız qalıb.

Hörmətli redaksiya!

Bu məsələni yoluna qoymaqda bizə kömək göstərməyinizi xahiş edirik.

 

Rüstəm RÜSTƏMOV,

Bərdə şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video