11:08 15 Iyun 2021
ONLINE XƏBƏR LENTİ
01:09 15.06.2021

Tarixin dönüş məqamı


01:06 15.06.2021

Qurtuluş dastanı


01:00 15.06.2021

15 iyun müqəddəs tarixdir


00:50 15.06.2021

BİLDİRİŞ


00:49 15.06.2021

BİLDİRİŞ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Misir və Səudiyyə Ərəbistanının Türkiyə ilə əlaqələrinin normallaşması istiqamətində diplomatik səylər artırılır
 
ANA SƏHİFƏ / DÜNYA
16:58 05.05.2021

Misir və Səudiyyə Ərəbistanının hazırda Türkiyə ilə soyuq olan münasibətləri yaxın aylarda normallaşa bilər.

AZƏRTAC xəbər verir ki, ərəb mətbuatı rəsmi Ankaranın bu istiqamətdə səylərinə qarşı tərəflərin müsbət yanaşdığını yazır.

Səudiyyə Ərəbistanının rəsmi SPA agentliyi Türkiyə Prezidenti Rəcəb Tayyib Ərdoğanla Kral Salman bin Əbdüləziz arasında telefon danışığı barədə məlumat yayıb. Qeyd olunub ki, telefon söhbəti zamanı tərəflər qarşıdan gələn Ramazan bayramı münasibətilə bir-birini təbrik edib, ikitərəfli əlaqələrin inkişafı perspektivlərini nəzərdən keçiriblər.

Ankara ilə Ər-Riyad arasında əlaqələr 2018-ci ildə İstanbulda jurnalist Camal Qaşıqçının qətlə yetirilməsindən sonra pisləşib. Bundan sonra Səudiyyə Ərəbistanı Türkiyədən mal və məhsulların idxalına embarqo tətbiq edib.

Türkiyənin xarici işlər naziri Mövlud Çavuşoğlu səudiyyəli həmkarı şahzadə Faysal bin Fərhan ilə ötən ilin sonunda keçirdiyi görüşdən sonra bəyan etmişdi ki, Ankara əlaqələrin normallaşması istiqamətində addımlar atmağa hazırdır.

Həmçinin Misir XİN-in məlumatına görə, mayın 6-da Qahirədə Türkiyə-Misir əlaqələrinin normallaşması istiqamətində iki ölkənin xarici siyasət idarələri səviyyəsində danışıqlar aparılacaq.

Danışıqlar zamanı tərəflər 2013-cü ildən bəri pisləşən əlaqələrin normallaşması, o cümlədən səfirliklərin fəaliyyətinin bərpası məsələlərini müzakirə edəcəklər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM