14 Iyun 2013 12:06
463
PARLAMENT
A- A+

Milli Məclisin Sosial siyasət komitəsinin iclası keçirilmişdir

 

Milli Məclisin Sosial siyasət komitəsinin iclası keçirilmişdir. İclasda "Sosial sığorta haqqında" qanun layihəsinə dəyişikliyin edilməsi məsələsi müzakirə olunmuşdur.

Qanun layihəsinə ediləcək dəyişikliklərlə bağlı məlumat verən Sosial siyasət komitəsinin sədri Hadi Rəcəbli demişdir ki, burada əsas məqsəd pensiyaların sistemli şəkildə ödənilməsinə nail olmaqdır. Məcburi dövlət sosial sığorta haqqı əmək ödənişinə nisbətdə faizlə müəyyən edilir və sığorta edənin vəsaitləri hesabına ödənilir.

 Daha sonra "Sosial sığorta haqqında" qanun layihəsinə dəyişikliyin edilməsi məsələsinə baxılmış, rəy və təkliflər verilmişdir. Bildirilmişdir ki, notariat sahəsində aparılan islahatlar nəticəsində hazırda ölkədə dövlət notariusları ilə yanaşı, xüsusi notariuslar da fəaliyyət göstərir.

Bildirilmişdir ki, xüsusi notariuslar notariat hərəkətlərin aparılması üçün müəyyənləşdirilən dövlət rüsumu miqdarında tutduğu haqdan və notariat hərəkətləri ilə əlaqədar göstərilən xidmətə görə alınan haqdan texniki heyətin əmək haqqının ödənilməsi, icarə haqqı, maddi-texniki təminat üçün zəruri xərclər çıxıldıqdan sonra sərəncamdan qalan pul vəsaitindən vergi, peşə məsuliyyətinin sığortası və dövlət sosial sığortası üzrə qanunvericiliklə müəyyən edilən vəsaiti və digər məcburi ödəmələri verməlidir. Göstərilənlərlə əlaqədar müəyyən edilən məcburi dövlət sosial sığorta haqqının xüsusi notariusun gəlirinin iyirmi faizi miqdarında ödənilməsi deyil, daha stabil dərəcəsinin müəyyən edilməsi məqsədəuyğundur.

Müzakirələrdən sonra qanun layihəsinə komitə daxilində yenidən baxılması qərara alınmışdır.

 

AzərTAc

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video