Milli Məclisin deputatları Avropa Parlamentində Azərbaycana qarşı təxribata etirazlarını bildirmişlər
Oktyabrın 7-də Milli Məclisin deputatları Asim Mollazadə, Fuad Muradov və Çingiz Əsədullayev mətbuat konfransı keçirmişlər.
AzərTAc xəbər verir ki, deputatlar əvvəlcə oktyabrın 2-dən 5-dək Belçikanın paytaxtı Brüsseldə "Azərbaycanda insan hüquqları: prezident seçkiləri ərəfəsində ifadə və sərbəst toplaşmaq azadlığı" mövzusunda keçirilən "dəyirmi masa"da iştirakları barədə məlumat vermişlər. Bildirilmişdir ki, səfər çərçivəsində bir sıra görüşlər keçirilmiş, Azərbaycan və Avropa ölkələrinin parlamentləri arasında əməkdaşlıq məsələləri və bu istiqamətdə qarşıda duran vəzifələr barədə müzakirələr aparılmışdır.
Oktyabrın 3-də Brüsseldə Avropa Parlamentində keçirilmiş "Azərbaycanda prezident seçkiləri: Odlar yurdu üçün hansı gələcək?" adlı seminar barədə də məlumat verən F.Muradov demişdir: "Proqram ilə tanış olarkən Azərbaycanın əleyhinə, respublikamızın ərazi bütövlüyünə qarşı yönəlmiş təhlükəli məqamlarla rastlaşdıq. Tədbirə mövzu ilə heç bir əlaqəsi olmayan müxtəlif təşkilatların nümayəndələri toplaşmışdılar. Seminar separatizm və bəzi separatçı təşkilatların Azərbaycanda etnik ayrı-seçkiliklə bağlı qərəzli çıxışları üzərində qurulmuşdu. Biz seminarın məqsədindən uzaq müzakirələr keçirilməsinə etirazımızı bildirdik və Azərbaycana qarşı iddiaların əsassız olduğunu diqqətə çatdırdıq".
Seminarda çıxış üçün qeyri-bərabər imkanların yaradıldığını vurğulayan A.Mollazadə bildirmişdir ki, Azərbaycanın Avropa qurumları ilə əlaqələrinin yüksələn xətlə inkişaf etdiyi bir dövrdə bu cür tədbirin təşkili heç də təsadüfi deyildir. Avropa İttifaqı ilə əlaqələr əməkdaşlıqdan strateji tərəfdaşlığa keçmişdir. Eyni zamanda, bu yaxınlarda Vilnüs şəhərində Azərbaycanın da iştirakı ilə "Şərq tərəfdaşlığı" proqramının zirvə toplantısı keçiriləcək, müvafiq sənədlər imzalanacaqdır. Belə bir vaxtda etnik separatizmi qızışdırmaq niyyəti güdən bu seminar Azərbaycanı Avropaya inteqrasiya yolundan döndərmək cəhdindən başqa bir şey deyildir.
A.Mollazadə vurğulamışdır ki, Azərbaycanın Avropaya inteqrasiyasını istəməyən qüvvələrin təşkil etdiyi seminarda iftiralara qarşı tutarlı arqumentlər qoyulmuş, respublikamızın iqtisadi inkişafı, mədəniyyətlərarası dialoq mərkəzi kimi tanınması, ölkəmizdə yaşayan milli azlıqların, dinlərin bərabər hüquqa malik olmaları, nadir tolerantlıq mühiti barədə məlumat verilmişdir.
A.Mollazadə demişdir: "Mənə verilən qısa vaxt ərzində Xocalı soyqırımından da danışaraq "Xocalıya ədalət" kampaniyasını xatırlatdım. Soruşdum ki, bəs öldürülən günahsız uşaq və qadınların haqları nə vaxt müzakirəyə çıxarılacaq? Nə üçün indiyədək Ermənistanı işğalçı dövlət kimi tanımırsınız? Təbii ki, sualıma cavab ala bilmədim.
Seminar barədə fikirlərini bölüşən Ç.Əsədullayev isə tədbirdə səsləndirilən hesabat və çıxışların heç bir reallığa əsaslanmadığını, açıq-aşkar qərəzli xarakter daşıdığını qeyd etmişdir.
Deputatlar dünya azərbaycanlılarına da çağırış edərək bu cür hadisələrə qarşı həssas olmalarını istəmişlər.
Sonda jurnalistlərin sualları cavablandırılmışdır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
HƏMAS lideri İranın Baş Qərargah rəisi ilə görüşüb
29 Mart
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!