06:41 09 May 2021
ONLINE XƏBƏR LENTİ
01:55 09.05.2021

Heydər Əliyev yolu


01:52 09.05.2021

Liderlik rəmzi


01:52 09.05.2021

Şərqdən doğan Günəş


01:50 09.05.2021

Xilaskarlıq missiyası


01:08 09.05.2021

Kəşfiyyatçı Zorge


01:05 09.05.2021

BİLDİRİŞ


01:04 09.05.2021

BİLDİRİŞ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Milli Məclisin deputatları Avronest PA-nın plenar iclasında iştirak ediblər
ANA SƏHİFƏ / PARLAMENT
17:50 20.04.2021

 

Aprelin 20-də Avronest Parlament Assambleyasının (PA) 9-cu sessiyası çərçivəsində qurumun onlayn formatda plenar iclası keçirilib.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, iclasda Azərbaycan nümayəndə heyətinin rəhbəri Azər Kərimli və nümayəndə heyətinin üzvləri Qüdrət Həsənquliyev, Rauf Əliyev, İltizam Yusifov, Məlahət İbrahimqızı, Hicran Hüseynova, Vüqar Bayramov, Nurlan Həsənov iştirak ediblər.

İclasda çıxış edən Avronest PA-nın həmsədrləri Andrius Kubilius və Maka Botçorişvili quruma üzv ölkələr arasında tərəfdaşlıq və əməkdaşlığın genişləndirilməsinin, “Şərq tərəfdaşlığı” bölgəsində təhlükəsizliyin təmin edilməsinin və ölkələrin ərazi bütövlüyünün qorunmasının vacibliyindən danışıblar. Həmsədrlər bölgədə gedən siyasi proseslərə toxunublar, böhranların tənzimlənməsi zərurətinə diqqət yönəldiblər. Hazırkı pandemiya dövründə yalnız bütün ölkələrin birgə mübarizəsi, həmrəyliyi şəraitində koronavirus infeksiyasına qalib gəlməyin mümkün olduğu vurğulanıb.

Avropa İttifaqının Qonşuluq siyasəti və genişlənmə danışıqları üzrə Komissarı Oliver Varhelyi dünyanı bürüyən pandemiya şəraitində bölgədəki insanların həyatını xilas etmək üçün görülən işlərdən danışıb, koronavirus infeksiyasına qarşı peyvənd təminatı məsələsinə toxunub. “Şərq tərəfdaşlığı” ölkələrində qonşuluq münasibətlərinin tənzimlənməsi, bir sıra sahələrdə inteqrasiyanın, iqtisadiyyatın inkişafına investisiya qoyulmasının vacibliyindən və digər məsələlərdən bəhs edib.

Avropa Komissiyasının vitse-prezidenti Luk Deviqne “Şərq tərəfdaşlığı” ölkələrindəki siyasi vəziyyəti təhlil edib.

Plenar iclasda Avronest PA-nın 9-cu sessiyasında iştirak edən milli parlamentlərin təmsilçiləri çıxışlarında bir sıra yerli proseslərə münasibətlərini açıqlayıblar.

Sonra onlayn tədbirə qoşulmuş müşahidəçilərin Avronest Parlament Assambleyasına salamlama müraciətləri dinlənilib.

Fasilədən sonra plenar iclas işini davam etdirib.

Avropa Parlamentinin prezidenti David Sassoli Avronest PA-nın növbəti - 9-cu sessiyasının rəsmi açılışını edib. Bildirib ki, Avronest PA “Şərq tərəfdaşlığı” bölgəsində parlament ölçüsünü təmsil edir. Məqsəd Avropa İttifaqı ölkələri ilə “Şərq tərəfdaşlığı” ölkələrini yaxınlaşdırmaq və onlar arasında sıx dostluq əlaqələri yaratmaqdır.

David Sassolinin rəsmi açılış mərasimindəki nitqi dinlənildikdən sonra fasilə elan olunub.

Avronest PA-nın plenar iclası bu gün işini davam etdirəcək.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM