Milli Məclisdə uşaq hüquqlarının qorunması ilə bağlı konfrans keçirilib
Mayın 15-də Milli Məclisin Sosial siyasət komitəsi 1 iyun Uşaqların Beynəlxalq Müdafiəsi gününə həsr edilmiş "Azərbaycanda uşaqların asudə vaxtının təşkilinin hüquqi aspektləri" mövzusunda konfrans keçirib.
Komitə sədri Hadi Rəcəbli bildirib ki, 15 may tarixi dünyada beynəlxalq ailə günü kimi qeyd edilir. Bu səbəbdən qərara alınıb ki, uşaq hüquqları ilə bağlı konfrans məhz həmin tarixdə keçirilsin. Konfransda iki mövzu - uşaq hüquqları və uşaqların asudə vaxtının təşkili ətrafında müzakirələr aparılıb. Öncə H.Rəcəbli "Uşaq hüquqları haqqında qanun"un 25-ci maddəsini xatırladıb: "Hər bir uşağın asudə vaxtdan istifadə etmək hüququ var. Uşaq öz maraqlarına və qabiliyyətinə uyğun olaraq məktəbdənkənar istirahət və məşğuliyyət növü seçməkdə müstəqildir. Valideynlər (onları əvəz edən digər şəxslər) və müvafiq dövlət orqanları uşaqların istirahət və asudə vaxtlarında mənfi təsirlərə məruz qalmasının qarşısını alan tədbirlər görməlidirlər. Dövlət uşaqların istirahət və asudə vaxtlarını səmərəli təşkil etmək, mədəni həyata və yaradıcılıq fəaliyyətinə qovuşmasını təmin etmək məqsədilə məktəbdənkənar müəssisələrin, uşaq və gənclər, idman, mədəniyyət və sağlamlıq ocaqlarının və digər istirahət yerlərinin geniş şəbəkəsini yaradır və inkişaf etdirir, bu obyektlərdən pulsuz və güzəştli istifadə qaydalarını müəyyən edir". Onun sözlərinə görə, uşaq hüquqlarının qorunması dövlət siyasətinin əsas pioritetlərindən biridir.
Konfransda çıxış edən gənclər və idman nazirinin müavini İntiqam Babayev bildirib ki, nazirlik bu məsələdə üzərinə düşən bütün vəzifələri uğurla yerinə yetirir. Hazırda Respublika Uşaq Sağlamlıq Mərkəzi fəaliyyət göstərir. Hər il bu mərkəzdə 1000-1500 uşaq istirahət edir. İ.Babayev onu da diqqətə çatdırıb ki, həm paytaxt Bakıda, həm də rayonlarda uşaqların, gənclərin asudə vaxtlarının səmərəli keçməsi üçün "Gənclər Evi"nin tikilməsi planlaşdırılıb. Paytaxtda 5, rayonlarda isə 10 belə istirahət mərkəzi tikiləcək.
Konfransda UNİCEF-in ölkə nümayəndəliyinin rəhbərinin müavini Rəşid Mustafa, Avropa Şurasının Bakı ofisinin rəhbəri Konstantin Yerokostopulos, "Dünyaya Baxış" təşkilatının Azərbaycan nümayəndəliyinin rəhbəri Giorgi Devidze çıxış edib Azərbaycanın "Uşaq hüquqları haqqında" BMT-nin konvensiyasına qoşulduğunu bir daha xatırladıblar. Qeyd olunub ki, hazırda ölkəmizdə əhalinin 30 faizini uşaqlar təşkil etdiyi üçün onların asudə vaxtının səmərəli keçirilməsi çox vacibdir. Əks halda uşaqlar çox zaman pis vərdişlərə meyil göstərirlər.
Konfransda konkret mövzular ətrafında çıxışlar olub. "Uşaq hüquqları: Milli qanunvericilik" mövzusunda çıxış edən Milli Məclis Aparatının Sosial qanunvericilik şöbəsinin müdiri Adilə Abbasova bildirib ki, Azərbaycanda hər bir uşağın yaşaması, qorunması dövlət siyasətinin əsasını təşkil edir. Respublikamızda valideyn himayəsindən məhrum olan uşaqlara dövlət qayğısının artırılması, uşaq alveri, uşaq baxımsızlığı məsələsi daim diqqətdədir. Uşaq hüquqlarının həyata keçirilməsinə dövlət nəzarət edir. Onun sözlərinə görə, hazırda Azərbaycanda üşaq hüquqlarının qorunması sahəsində möhkəm qanunvericilik bazası yaradılıb. Milli Məclis isə uşaq hüquqları ilə bağlı 10-dan çox qanun layihəsi qəbul edib.
Konfransda "Uşaqların istirahət hüququ: Oynamaq-inkişaf etmək deməkdir", "Şəhərsalma və istirahət hüququ: Uşaqlar üçün yararlı şəhərlər konsepsiyası", "Uşaqların asudə vaxtının təşkilinin Azərbaycanda mövcud vəziyyəti" mövzuları ilə bağlı çıxışlar edilib, müxtəlif təkliflər irəli sürülüb.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!