14:03 22 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Milli Məclisdə «Heydər Əliyev Xatirə Zalı» kitabının təqdimatı olmuşdur
ANA SƏHİFƏ / PARLAMENT
01:05 11.05.2012

 

Mayın 10-da Milli Məclisdə "Heydər Əliyev Xatirə Zalı" kitabının təqdimatı olmuşdur. 
Mərasim Azərbaycan xalqının ümummilli lideri Heydər Əliyevin anadan olmasının 89-cu ildönümünə həsr olunmuşdur. 
Tədbiri Milli Məclisin Sədri Oqtay Əsədov açaraq əvvəlcə bayram münasibətilə deputatları və tədbirin digər iştirakçılarını təbrik etmişdir.
Milli Məclisin Sədri demişdir ki, xalqımızın ümummilli lideri Heydər Əliyev müstəqil və müasir Azərbaycanın yaradıcısıdır. Məhz onun sayəsində xalqımız siyasi və dövlət müstəqilliyinin möhkəm təməlini yaratmışdır. Bu təməl üzərində qurulan müstəqil dövləti qoruyub saxlaya bilmişdir. Ulu öndərin Vətən və xalq qarşısındakı əvəzsiz tarixi xidmətlərindən danışan O.Əsədov demişdir ki, bu il parlamentdəki Heydər Əliyev Xatirə Zalının yaradılmasının 5 ili tamam olur. Bu münasibətlə işıq üzü görən yeni nəşr ulu öndərin xatirəsinə ehtiramın bir ifadəsidir. Ötən 5 ildə xatirə zalı parlamentə gələn xarici qonaqların əsl ziyarət yerinə çevrilmişdir. Milli Məclisdə qonaq olan 150-dən çox nümayəndə heyəti buradakı eksponatları maraqla izləmiş, muzeydəki xatirə kitabına ürək sözlərini yazmışlar.
Sonra Milli Məclisin Sosial siyasət komitəsinin sədri Hadi Rəcəbli, İnsan hüquqları komitəsinin sədri Rəbiyyət Aslanova, Regional məsələlər komitəsinin sədri Arif Rəhimzadə, Aqrar siyasət komitəsinin sədri Eldar İbrahimov, deputatlardan Siyavuş Novruzov, Rəfael Hüseynov, Fəttah Heydərov, Mübariz Qurbanlı, Rövşən Rzayev, Milli Məclis Aparatının rəhbəri Səfa Mirzəyev çıxış etmişlər. Azərbaycanın yaxın tarixinə nəzər salan natiqlər bildirmişlər ki, Heydər Əliyev xalqının xilaskarı və ən böyük şəxsiyyətlərdəndir. Azərbaycanın dövlət müqəddəratının həll olunduğu bir vaxtda xalqın təkidi ilə hakimiyyətə gələn ulu öndərin müdrik və uzaqgörən siyasəti nəticəsində müstəqilliyimiz çətin və mürəkkəb bir şəraitdə qorunub saxlanılmış, daha da möhkəmlənmişdir. Ulu öndərin böyük siyasətə qayıdışı 1993-cü il iyunun 15-də onun Ali Sovetə sədrliyi ilə başlamışdır. Ümummilli lider prezident seçilənədək 4 ay parlamentə sədrlik etmişdir. Bu müddətdə ölkədə qanunvericilik orqanının nüfuzu artmış, Milli Məclis ölkədə baş verən mürəkkəb və ziddiyyətli ictimai, siyasi hadisələrin açıq, demokratik şəraitdə müzakirə olunduğu real hakimiyyət orqanına çevrilmişdir. Qısa müddətdə parlamentin ruhu kökündən dəyişmişdir. Ulu öndər Milli Məclisə siyasi mədəniyyət gətirmişdir.
Qeyd olunmuşdur ki, ulu öndərin rəhbərliyi ilə uğurlu siyasi-inkişaf strategiyasının təməli qoyulmuşdur ki, bu da sonralar ölkənin həyatında həlledici amillərdən biri olmuşdur. Azərbaycan qısa bir zamanda nəinki regionda, dünyada yüksək nüfuza, sözə sahib olan dövlətə çevrilmişdir. Ulu öndər Azərbaycana milli təhlükəsizlik konsepsiyası, milli dövlətçilik ideyası, bu ideyanı daşıyıb xalqı arxasınca aparmağa qadir siyasi təşkilat, yeni lider bəxş etmişdir. Bu gün ulu öndərin müəyyənləşdirdiyi strateji inkişaf xəttini uğurla davam etdirən Prezident İlham Əliyevin həyata keçirdiyi uğurlu siyasət nəticəsində Azərbaycanın dünyadakı nüfuzu getdikcə daha da artır. İqtisadi inkişaf, sosial rifah həyatın bütün sahələrində özünü göstərir. Azərbaycanda reallaşdırılan islahatlar ölkəni dünyanın diqqət mərkəzində saxlayır. Neft-qaz sahəsində uğurla reallaşdırılan böyük regional layihələr təkcə bugünümüzə deyil, gələcək rifahımıza təminat verir.
Deputatlar ulu öndərin gələn il anadan olmasının 90 illiyi ilə bağlı müxtəlif tədbirlərin keçirilməsini, Heydər Əliyevin parlamentə sədrliyi dövrünü əks etdirən filmin çəkilməsini də təklif etmişlər. Tədbirdə parlamentin "Azərbaycan Respublikasının Milli Məclisi - dördüncü çağırış" kitabı da təqdim olunmuşdur.

AzərTAc



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM