04 Noyabr 2012 01:11
309
PARLAMENT
A- A+

Milli Məclisdə görüş

 

Noyabrın 3-də Milli Məclisin Sədri Oqtay Əsədov Rusiya Federal Məclisi Federasiya Şurasının sədr müavini və Azərbaycan-Rusiya Parlamentlərarası Komissiyasının həmsədri Svetlana Orlovanın başçılıq etdiyi nümayəndə heyəti ilə görüşmüşdür.

Spiker qonaqları səmimi salamlayaraq müstəqil Azərbaycanın Rusiya ilə həyatın bütün sahələrində əlaqələrin inkişafına böyük önəm verdiyini vurğuladı. Qeyd edildi ki, parlamentlər səviyyəsində münasibətlərimizin daha da dərinləşdirilməsi ölkələrimizin və xalqlarımızın ümumi mənafeyinə xidmət edir. Müxtəlif səviyyələrdə nümayəndə heyətlərinin qarşılıqlı səfərləri təcrübə və informasiya mübadiləsi baxımından çox əhəmiyyətlidir.

Sədr Milli Məclis ilə Rusiya Federal Məclisi arasında əməkdaşlıq üzrə Parlamentlərarası Komissiyanın X iclasının yekunlarını yüksək dəyərləndirdi. O qeyd etdi ki, komissiyada tərəfləri maraqlandıran bütün məsələlər geniş müzakirə olunmuş, açıq danışıqlar aparılmışdır. Hər iki tərəfdən komissiyaya parlament sədrlərinin müavinləri səviyyəsində rəhbərlik edilməsi ölkələrimizin bu məsələyə böyük əhəmiyyət verdiyini göstərir. Komissiyanın işinin məhsuldar, qarşılıqlı etimad şəraitində keçməsi münasibətlərimizin yüksək səviyyəsindən xəbər verir. Spiker komissiya üzvlərinə gələcək fəaliyyətlərində uğurlar arzuladı.

Rusiya tərəfdən komissiyanın sədri Svetlana Orlova Azərbaycana səfərindən, burada keçirdiyi görüşlərdən və Parlamentlərarası Komissiyanın X iclasının yekunlarından məmnun qaldığını söylədi. O bildirdi ki, komissiya çərçivəsində aparılan müzakirələr münasibətlərimizin siyasi, iqtisadi, humanitar, mədəni və digər sahələrdə günbəgün möhkəmləndiyinin göstəricisi oldu.

Svetlana Orlova əlaqələrimizin dərinləşməsində parlamentlərin mühüm rol oynadığını vurğuladı. O ümidvar olduğunu bildirdi ki, gələcəkdə Parlamentlərarası Komissiyanın iclaslarında səmərəli müzakirələr aparılacaq və əhəmiyyətli qərarlar qəbul olunacaqdır.

Söhbət zamanı tərəfləri maraqlandıran digər məsələlər ətrafında fikir mübadiləsi aparıldı.

Görüşdə Milli Məclis Sədrinin müavini, Azərbaycan-Rusiya Parlamentlərarası Komissiyasının həmsədri Valeh Ələsgərov, ölkəmizin Rusiyadakı səfiri Polad Bülbüloğlu, Rusiyanın ölkəmizdəki səfiri Vladimir Doroxin və digər rəsmi şəxslər iştirak edirdilər.

 

Milli Məclisin mətbuat xidməti

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video