03 Oktyabr 2012 02:10
266
PARLAMENT
A- A+

Milli Məclisdə görüş

 

Oktyabrın 2-də Milli Məclisin Sədri Oqtay Əsədov ölkəmizdə səfərdə olan Fransa senatorları ilə görüşdü. Qonaqları salamlayan Milli Məclisin Sədri bu cür səfərlərin ikitərəfli əlaqələrin inkişafında böyük rol oynadığını dedi. Ölkələrimiz arasında siyasi-iqtisadi sahədə münasibətlərin yüksək səviyyədə olduğunu deyən spiker mədəniyyət sahəsində də əlaqələrin inkişaf etdiyini bildirdi. Prezident İlham Əliyevin Fransaya son səfəri zamanı Parisdə Azərbaycan Mədəniyyət Mərkəzinin açılması bunun bariz nümunəsidir.

Oqtay Əsədov bildirdi ki, Fransa Azərbaycanın ən böyük ticarət tərəfdaşlarından biridir. 2011-ci ildə ölkələrimiz arasında ticarət dövriyyəsi 4 milyard 600 milyon dollara yaxın olub. Cari ildə bu rəqəmin daha da yüksələcəyi gözlənilir. Fransa şirkətlərinin Azərbaycanda enerji sektorunda uğurla fəaliyyət göstərdiyini diqqətə çatdıran Milli Məclisin Sədri ölkəmizdə qeyri-neft sektorunda da biznes fəaliyyəti üçün geniş imkanların olduğunu vurğuladı.

Parlamentlərarası əlaqələrdən söz açan Oqtay Əsədov Milli Məclisdə Azərbaycan-Fransa parlamentlərarası əlaqələr üzrə işçi qrupunun fəaliyyət göstərdiyini dedi. Fransa parlamentində isə Qafqaz ölkələri üzrə dostluq qrupunun fəaliyyət göstərdiyini vurğulayan spiker qeyd etdi ki, Azərbaycanla əlaqələrə dair ayrıca qrupun yaradılması ikitərəfli münasibətlərə böyük töhfələr verər.

Ermənistan-Azərbaycan, Dağlıq Qarabağ münaqişəsinə toxunan Milli Məclisin Sədri Oqtay Əsədov dedi ki, Fransanın da həmsədri olduğu ATƏT-in Minsk qrupu 20 ildir bu problemin həlli ilə məşğul olsa da, ortada bir nəticə yoxdur. İndiyədək beynəlxalq təşkilatlar tərəfindən Ermənistanın işğal etdiyi Azərbaycan ərazilərinin boşaldılmasını tələb edən müxtəlif sənədlər qəbul edilib. Amma təəssüf ki, problemin həllində qətiyyətsizlik var, qəbul olunan sənədlər kağız üzərində qalır. Bir il əvvəl Minsk qrupuna həmsədr ölkələrin prezidentləri Dağlıq Qarabağ münaqişəsi ilə bağlı status-kvonun dəyişməsinin vacibliyini bəyan etsələr də, bu sahədə hələ dəyişiklik yoxdur.

Görüş üçün təşəkkürünü bildirən senator Ladislas Poniatovski Azərbaycanla Fransa arasındakı əlaqələrdən söz açdı. İqtisadi əlaqələrin səviyyəsindən məmnunluğunu ifadə edən senator enerji sahəsində əməkdaşlığın daha da genişləndirilməsinin vacibliyini qeyd etdi.

Görüşdə qarşılıqlı maraq doğuran digər məsələlər ətrafında da fikir mübadiləsi aparıldı.

 

Foto A.MƏMMƏDOVUNDUR

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video