Məktəbdə müəllimdir, təsərrüfatda kümçü
Kəndimiz Balakən rayonunun ən iri yaşayış məntəqələrindəndir. Bu ilin əvvəlində ölkə Prezidenti İlham Əliyevin ənənəvi kənd təsərrüfatı sahələrinin inkişaf etdirilməsi ilə bağlı göstərişlərinə kənddə də qoşulanlar çox oldu.
Onlardan biri Məryəm Umrayevadır. Onu nümunə göstərməyim də səbəbsiz deyil, ziyalı təbəqəsini təmsil edir. Katex tam orta məktəbinin rus dili və ədəbiyyatı müəllimidir, eyni zamanda, psixoloq ştatı üzrə də fəaliyyət göstərir. 16 illik pedaqoji təcrübəyə malikdir. Dolanışığı da pis deyil. Bununla belə, aqrar-təsərrüfat işləri ilə də məşğul olmaq, ipəkqurdu bəsləmək qərarına gəlib. Ailə üzvləri də ona dəstək verib.
Beləliklə, ipəkqurdu toxumu götürüb işə başladı. Tək çətinliyi tut ağaclarının azlığı, yəni, qurdların yemlənməsi ilə bağlı oldu. İmkan daxilində biz ona yemlə bağlı yardım etdik. Təxminən 40 gün ərzində çəkilən zəhmət bəhrəsini verdi: 170 kiloqram barama istehsal edildi. Bu da təxminən 1400 manat gəlir deməkdir. Az müddət ərzində bu qədər vəsaitin qazanılması kəndli ailəsi üçün böyük stimuldur.
Müəllimliklə bərabər, Məryəm Umrayevanın ölkə iqtisadiyyatına öz töhfəsini verməyə, bununla həm də ailə rifahını yüksəltməyə çalışması təqdirəlayiq haldır. O, bu təşəbbüsü ilə digərlərinə nümunədir.
Məryəm müəllim bu il də təkrar ipəkqurdu bəsləmək niyyətindədir. Yem təminatı yaxşılaşacağı təqdirdə istehsal həcmini artırmağı planlaşdırır. Biz də öz növbəmizdə ona əlimizdən gələn köməyi göstərməyə hazırıq.
Məmməd İSAYEV,
Katex kənd inzibati ərazi dairəsinin nümayəndəsi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Sabah paytaxtda 29, bəzi bölgələrdə isə 31 dərəcə isti olacaq
25 Aprel
Dilorom Favziyeva: Bakıda toplanmağımız birliyimizin, dostluğumuzun bariz nümunəsidir
25 Aprel
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!