08:34 21 Oktyabr 2021
ONLINE XƏBƏR LENTİ
01:59 21.10.2021

21 oktyabr


01:54 21.10.2021

BİLDİRİŞ


01:53 21.10.2021

BİLDİRİŞ


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Meksika bütün məsələlərin həllində Azərbaycanı dəstəkləyəcək və bu siyasət dəyişməyəcək
ANA SƏHİFƏ / PARLAMENT
01:07 19.07.2012

 

"Meksika Azərbaycan-Ermənistan, Dağlıq Qarabağ münaqişəsinin həlli məsələsində və beynəlxalq təşkilatlarda daim Azərbaycanın yanında olacaq, sizi dəstəkləyəcək və bu siyasət dəyişməyəcək". Bu sözləri Azərbaycanda səfərdə olan Meksika Konqresinin Deputatlar Palatasının sədri Oskar Arse iyulun 18-də Milli Məclisin Sədri Oqtay Əsədovla görüşdə söyləyib.

Oqtay Əsədov bildirib ki, bu səfər təkcə parlamentlərarası əlaqələri yox, ölkələrimiz arasında olan dostluq münasibətini daha da möhkəmləndirəcək, əlaqələr bundan sonra yüksələn xətlə inkişaf edəcək. Azərbaycan ilə Meksika arasında münasibətlərin daha da genişləndiyini vurğulayan Oqtay Əsədov diqqətə çatdırıb ki, 9 ay ərzində Meksika Birləşmiş Ştatlarından Azərbaycana 4 nümayəndə heyəti səfərə gəlib. Bu onu göstərir ki, ölkələrimiz arasında uzun məsafə olmasına baxmayaraq, dostluq münasibəti tez bir zamanda hər iki dövləti bir-birinə çox yaxınlaşdırıb: "Əminəm ki, diplomatik münasibətlərimiz daha da möhkəmlənəcək və yaxın gələcəkdə ölkələrimiz arasında ticari, iqtisadi əlaqələr də  inkişaf edəcək. Bunun üçün səfirliklərin fəaliyyəti çox önəmlidir. Azərbaycanın Meksikada səfirliyi fəaliyyət göstərir və ümid edirəm ki, yaxın zamanlarda Meksikanın da ölkəmizdə səfirliyi açılacaq".

Milli Məclisin Sədri Oqtay Əsədov onu da qeyd edib ki, Azərbaycanın müstəqilliyinin bərpa olunmasının 20 illik yubileyi çərçivəsində 2011-ci il aprel ayının 25-də Meksikanın Akapulko şəhərində Azərbaycanın dahi şairi Nizami Gəncəvinin heykəlinin açılış mərasimi olub və yaxınlarda Mexiko şəhərində Meksika-Azərbaycan Dostluq Parkı açılacaq. Bütün bunlar isə hər iki ölkə arasında münasibətlərin gündən-günə inkişaf etdiyindən xəbər verir.

Oqtay Əsədov Ermənistan-Azərbaycan, Dağlıq Qarabağ münaqişəsi ilə bağlı məsələdə Azərbaycanın haqq səsinin müdafiəsinə və Xocalı faciəsinin soyqırımı aktı kimi tanınması barədə qəbul etdikləri qərarlara görə Meksika xalqına minnətdarlıq edib.

 Azərbaycana gəldiyi gündən özünü vətənindəki kimi hiss etdiyini deyən Meksika Konqresinin Deputatlar Palatasının sədri Oskar Arse isə bildirib ki, Meksika dinamik inkişaf edən ölkə kimi Azərbaycanla əməkdaşlıqda maraqlıdır və daim onun yanındadır: "Azərbaycan xalqı bilsin ki, Meksika xalqı ən mühüm məsələlərin həllində sizinlə həmrəydi". Oskar Arse  Azərbaycanın dünyada artan nüfuzunu, həyata keçirdiyi qonşuluq siyasətini yüksək qiymətləndirərək ölkələrimiz arasında iqtisadi və mədəni sahədə də əməkdaşlığın qurulmasının vacibliyini söyləyib. Meksika Konqresinin Deputatlar Palatasının sədri deyib ki, ölkəsinə qayıtdıqdan sonra Azərbaycanda Meksikanın səfirliyinin açılması üçün dövlət büdcəsindən vəsait ayrılması ilə bağlı təklif verəcək.

Görüşdə dövlətlərarası əlaqələrin inkişafında qanunverici orqanların rolu, qarşılıqlı səfərlərin əhəmiyyəti və digər məsələlər ətrafında geniş fikir mübadiləsi aparılıb.

 

"Azərbaycan"

Foto A.MƏMMƏDOVUNDUR



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM