21:59 21 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Könüllülərin iştirakı ilə Avropa Mobillik Həftəsi çərçivəsində velosiped yürüşü keçirilib
ANA SƏHİFƏ / CƏMİYYƏT
13:08 26.09.2021

 

Azərbaycan könüllülərinin iştirakı ilə Avropa Mobillik Həftəsi çərçivəsində Bakı Nəqliyyat Agentliyi və Azərbaycan Könüllü Təşkilatları İttifaqının (AKTİ) birgə təşkilatçılığı, Azərbaycan Respublikasının Gənclər Fondu, Dənizkənarı Bulvar İdarəsi və Azərbaycan Velosiped İdmanı Federasiyasının tərəfdaşlığı ilə “Velosiped sür, sağlam ol” şüarı altında veloyürüş keçirilib.

AKTİ-dən AZƏRTAC-a bildirilib ki, yürüşdə İttifaqın sədri Yusif Vəliyev, Respublika Olimpiya Velosiped Məktəbinin direktoru Faiq Qurbanov, AKTİ katibliyi, eləcə də İttifaqa üzv könüllü təşkilatlarının rəhbərləri və könüllüləri iştirak ediblər.

Veloyürüşün keçirilməsində məqsəd sağlam həyat tərzini təbliğ etmək, gəncləri alternativ nəqliyyat vasitələrindən istifadə etməyə səsləmək və avtomobillər vasitəsilə atmosferə atılan zərərli qazların azalmasına töhfə verərək paytaxtımızın hava keyfiyyətini yaxşılaşdırmaqdır.

Hər il bu vaxt dünyanın əksər ölkələrində təşkil edilən “Avtomobilsiz küçələr” günündə insanlar daha çox piyada gəzməyə və velosiped sürməyə üstünlük verirlər.

Qeyd edək ki, həftə çərçivəsində Azərbaycan könüllüləri Bakıda həyata keçirilən müxtəlif aksiyalarda yaxından iştirak edərək paytaxt sakinlərini maarfiləndiriblər. Yürüşdən sonra keçirilən bağlanış mərasimində iştirakçı könüllülər rəsmilər tərəfindən xüsusi sertifikatlarla təltif olunublar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM