Könülləri şad edən aksiya
Sumqayıtda yaşayıram. Əlli ilə yaxındır ki, bu şəhərdə bir yerə gedib-gələndə ictimai nəqliyyatdan istifadə edirəm.
Hörmətli redaksiya!
İlk dəfə qarşılaşdığım mənzərə mənə o qədər xoş təsir bağışladı ki, təəssüratımı sizinlə bölüşmək qərarına gəldim.
Bir neçə nəfərlə dayanacaqda avtobus gözləyirdik. Bu zaman dörd gənc bizə yaxınlaşıb salam verib xoş günlər arzulayandan sonra Sumqayıtın tarixi, şəhərdə görülən quruculuq işləri barədə qısa məlumat verdilər. Avtobusa minəndə onların ikisi mənə kömək etdi. Avtobusun salonunda isə sərnişinlərə Sumqayıtın inkişafını əks etdirən bukletlər payladılar.
Yerə düşəndə də mənə kömək edib gül verdilər. Gediş haqqımı ödəmək istəyəndə dedilər ki, bu gün 6 və 13 nömrəli marşrutlar pulsuz işləyir. Səbəbini soruşanda dedilər ki, həmin marşrutlarda "Nəqliyyat könüllüləri” devizi altında maarifləndirici aksiya keçirilir. Belə tədbirlər şəhərin digər marşrutlarında da olacaq.
Hərdən yolum Bakıya da düşür. Buradakı ictimai nəqliyyatda dəfələrlə şahidi olmuşam ki, (özü də tək mən yox) cavan oğlanlar, qızlar, yeniyetmələr oturub telefonla oynayır, yaşlı insanlar ayaqüstə gedirlər. Görəsən, həmyaşıdları onların ata-analarına, nənə-babalarına qarşı belə hərəkət etsələr, buna necə baxarlar? Bu barədə düşünürlərmi? Düşünmürlərsə, çox pis! Vaxt gələcək bu sualı zaman özü onlara verəcək.
Rəhimə QOCAYEVA,
Sumqayıt
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!