10 Iyun 2021 18:37
492
SİYASƏT
A- A+

Karlos Uriarte Sançes: Beynəlxalq birliyi öz xidməti vəzifələrini yerinə yetirərkən həlak olmuş jurnalistlərə qarşı törədilmiş barbarlıq aktını pisləməyə çağırıram  

Azərbaycanın Kəlbəcər rayonunda mina partlaması nəticəsində insanların həlak olması barədə kədərli xəbərlə əlaqədar Azərbaycan xalqına həyəcanla müraciət edirəm.

Kral I Xuan Karlos adına Universitetin hüquq professoru, Beynəlxalq Panavropa İttifaqının üzvü, vəkil Karlos Uriarte Sançes bu fikri AZƏRTAC-a müsahibəsində söyləyib.

Həlak olmuş azərbaycanlı jurnalistlərin doğmalarına və yaxınlarına dərin hüznlə başsağlığı verən K.Uriarte deyib: “Kəlbəcərdə baş vermiş hadisə bir daha göstərir ki, Ermənistan Azərbaycan Silahlı Qüvvələrinin əks-hücum əməliyyatlarından sonra məcburi olaraq geri çəkildiyi mərhələdə bu əraziləri məqsədyönlü şəkildə minalayıb. Onların məqsədi Azərbaycana mümkün qədər çox ziyan vurmaq, öz vətənlərinə qayıdacaq mülki əhali üçün əlavə əngəllər yaratmaqdır.

Mən bütün beynəlxalq birliyi mülki əhaliyə qarşı, öz xidməti vəzifələrini yerinə yetirərkən həlak olmuş jurnalistlərə qarşı törədilmiş bu barbarlıq aktını pisləməyə çağırıram.

Qeyd edək ki, Azərbaycanın işğaldan azad edilmiş Kəlbəcər rayonuna ezam olunan jurnalistlərin olduğu “KamAZ” avtomobili iyunun 4-də səhər saat 11 radələrində Susuzluq kəndi ərazisində tank əleyhinə minaya düşüb, nəticədə 3 nəfər – AzTV-nin operatoru Sirac Abışov, Azərbaycan Dövlət İnformasiya Agentliyinin (AZƏRTAC) müxbiri Məhərrəm İbrahimov və Kəlbəcər rayon icra hakimiyyətinin Susuzluq kənd inzibati-ərazi dairəsi üzrə nümayəndəsinin müavini Arif Əliyev həlak olub, müxtəlif dərəcəli bədən xəsarətləri alan daha 4 nəfər xəstəxanaya yerləşdirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video