21 Aprel 2014 07:04
604
PARLAMENT
A- A+

Kamboca Krallığı Azərbaycan ilə əlaqələrin genişlənməsində maraqlıdır

Aprelin 21-də Azərbaycan Respublikası Milli Məclisinin sədri Oqtay Əsədov Kamboca Krallığının Baş naziri Hun Senin rəhbərlik etdiyi nümayəndə heyəti ilə görüşmüşdür.

AzərTAc xəbər verir ki, görüşdə Oqtay Əsədov Azərbaycan ilə Kamboca arasında əlaqələrin genişlənməsinin önəmini qeyd etmişdir. O, Azərbaycanın Kamboca ilə bütün sahələrdə əməkdaşlığa hazır olduğunu diqqətə çatdırmışdır. Milli Məclisin sədri əmin olduğunu bildirmişdir ki, bu səfər ölkələrimiz arasında əlaqələrin daha da genişləndirilməsinə töhfə verəcəkdir.
Oqtay Əsədov dünyada parlament diplomatiyasının aktual olduğu bir vaxtda hər iki ölkənin qanunverici orqanlarında dostluq qrupunun yaradılmasının vacibliyini vurğulamışdır.
Son 10 ildə ölkəmizin sürətli tərəqqisindən və əldə etdiyi nailiyyətlərdən danışan Oqtay Əsədov bildirmişdir ki, Azərbaycan iqtisadi inkişafına görə qabaqcıl dövlətlər sırasındadır. Cənubi Qafqazın iqtisadi potensialının 80 faizi Azərbaycanın payına düşür.
Azərbaycanda 32 il əvvəl səfərdə olduğunu deyən Hun Sen iki ölkə arasında diplomatik əlaqələrin qurulmasının 20 illik yubileyinin qeyd olunduğu il yenidən respublikamıza gəlməsini əlamətdar hadisə kimi dəyərləndirmişdir. O, Kambocanın Azərbaycan ilə ikitərəfli əlaqələri genişləndirməkdə maraqlı olduğunu vurğulamışdır. Qonaq iki ölkə arasında investisiya qoyuluşu ilə bağlı imzalanması nəzərdə tutulan sənədin əhəmiyyətindən danışmışdır. Hun Sen Azərbaycanın Kambocaya investisiya yatırmasında maraqlı olduqlarını və neft-qaz mütəxəssislərinin hazırlanmasında ölkəmizin təcrübəsini öyrənmək istədiklərini bildirmişdir.
Söhbət zamanı qarşılıqlı maraq doğuran məsələlər ətrafında fikir mübadiləsi aparılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video