06:42 17 Oktyabr 2021
ONLINE XƏBƏR LENTİ
00:24 17.10.2021

17-18 oktyabr


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Kamal Cəfərov: Şəffaflıq və hesabatlılıq bütün parlamentlərin təməl daşıdır
 
ANA SƏHİFƏ / SİYASƏT
20:20 28.09.2021

Şəffaflıq və hesabatlılıq təkcə bu demokratik qurumun deyil, bütün ölkələrin parlamentlərinin təməl daşıdır. Korrupsiya ilə mübarizə təkcə qanunun aliliyinin təməl daşı kimi yox, əsl demokratiyanın əsas komponenti olaraq qalır. Çünki korrupsiya anlayışı seçici fəallığı və demokratik institutların etibarlılığına mənfi təsir göstərir.

AZƏRTAC xəbər verir ki, bu fikirləri Azərbaycanın AŞPA-dakı nümayəndə heyətinin üzvü Kamal Cəfərov Avropa mühafizəkarlar və demokratik alyans qrupu adından Komitə iclasında “Parlament Assambleyası üzvlərinin parlament toxunulmazlıqlarının əhatə dairəsinə dair təlimatlar”la bağlı mövzunun müzakirəsində söyləyib.

“Parlamentlər bütün səviyyələrdə ictimai həyatda bütövlüyü və şəffaflığı həmişə təşviq etməli, GRECO və MONEYVAL ilə hərtərəfli əməkdaşlığı təmin etməli, tövsiyələrini gecikmədən həyata keçirməlidir. GRECO-nun nəticələrinə görə, 42 üzv dövlət deputatlara münasibətdə korrupsiyanın qarşısının alınması ilə bağlı tövsiyələrin 70 faizini qismən və ya tam yerinə yetirdiyini elan etmək məmnunluq doğurur. Bu, həmin ölkələrdə deputatlara münasibətdə korrupsiyanın qarşısının alınmasında möhkəm institusional və hüquqi bazanın mövcudluğunu göstərir”, - deyə deputat K. Cəfərov diqqətə çatdırıb.

Bildirib ki, yeni siyasi risklər fonunda, təşkilat və üzvlər üçün səmərəli qorunma mexanizminin olması vacibdir. İkiqat toxunulmazlıq rejiminin fərqli vəziyyətlərdə güclü və zəif tərəfləri var. Çünki bəzi ölkələr deputatlar üçün daha geniş, digərləri isə məhdud müdafiə təmin edir. Bu mövzunun özünəməxsus əhəmiyyəti onun daxili təcrübələri nəzərə alaraq vahid yanaşmanı vurğulamasıdır. Müzakirə olunan təlimat qaydaları yeni hüquqlar və imtiyazlar yaratmasa da, hesabat mövcud qaydaları aydın şəkildə işıqlandırır və deputatların parlament toxunulmazlığının əhatə dairəsinə dair meyarları təyin edir.

Hesab edirəm ki, hesabat parlamentarilərə onların imtiyaz və toxunulmazlıqları haqqında daha ətraflı məlumat almaq imkanı yaradacaq.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM