30 Avqust 2021 21:43
614
SİYASƏT
A- A+

İtaliya mətbuatında Ermənistanın təcavüzü nəticəsində itkin düşmüş azərbaycanlılardan bəhs edən yazılar dərc olunub  

 

Ermənistanın Azərbaycana qarşı hərbi təcavüzü nəticəsində 4 minədək azərbaycanlının itkin düşməsi mövzusu 30 Avqust - Beynəlxalq İtkin Düşmüşlər Günündə İtaliyanın kütləvi informasiya vasitələrinin diqqətində olub.

AZƏRTAC xəbər verir ki, İtaliyanın “Lo Spessore” analitik portalında Beynəlxalq Siyasət və İqtisadi Araşdırmalar İnstitutunun (IREPI) rəhbəri, tədqiqatçı-jurnalist Domeniko Letisiyianın “Ermənistanla münaqişə zamanı itkin düşmüş azərbaycanlılar” sərlövhəli məqaləsi, habelə “KmetroO” və “Metro CT” xəbər portalları və “Agenzia Nova” xəbər agentliyində ölkəmizin İtaliyadakı səfirliyi tərəfindən hazırlanmış press-reliz əsasında “Beynəlxalq İtkin Düşmüşlər Günü, azərbaycanlıların harayı”, “Azərbaycanda itkin düşmüş şəxslər”, “Beynəlxalq İtkin Düşmüşlər Günü Azərbaycanın diqqətində” başlıqları ilə yazılar dərc edilib.

Məlumatlarda 1990-cı illərin əvvəllərində Ermənistanın Azərbaycana qarşı hərbi təcavüzü nəticəsində minlərlə azərbaycanlının itkin düşdüyü, bu xüsusda qeyd olunan tarixin Azərbaycanda da anıldığı bildirilib. Qeyd edilib ki, Ermənistanın Azərbaycan torpaqlarını 30 ilədək davam edən işğalı nəticəsində itkin düşmüş 3890 azərbaycanlının aqibəti hələ də məlum deyil. Bildirilib ki, mülki şəxslərin tutulması və onlara qarşı pis rəftar edilməsi beynəlxalq humanitar hüquq tərəfindən açıq şəkildə qadağan olunsa da, 267 azərbaycanlı mülki vətəndaş Ermənistan silahlı qüvvələri tərəfindən əsir-girov saxlanılmaqdadır. Yazılarda, həmçinin mülki girovların Ermənistan tərəfindən əsir götürülməsi və onların siyasi şantaj üçün vasitə kimi istifadə edilməsi qeyd olunub, erməni əsir və girovluğundan ümumilikdə 1102 azərbaycanlının azad edilməsinin Ermənistan qurumları tərəfindən də bu faktın etirafı kimi qiymətləndirilib.

Habelə yazılarda hazırda çoxsaylı azərbaycanlı ailənin itkin düşmüş qohumlarının taleyi ilə bağı beynəlxalq ictimaiyyətdən gözləntilərinin olduğu və Ermənistanın azərbaycanlı mülki şəxslərə qarşı işgəncə verdiyinin çoxsaylı təşkilatlar tərəfindən təsdiqləndiyi qeyd olunub.

Yazılarda insanlığa qarşı törədilmiş cinayətin qanlı nümunəsi kimi 1992-ci il fevralın 25-dən 26-na keçən gecə Xocalıda azərbaycanlılara qarşı törədilmiş soyqrımının keçmiş Ermənistan-Azərbaycan münaqişəsinin ən ciddi və dramatik hadisələrindən biri kimi yadda qaldığı vurğulanıb. Bildirilib ki, Ermənistan qoşunları tərəfindən həyata keçirilmiş bu soyqırımında 106-sı qadın olmaqla, 613 nəfər amansızlıqla qətlə yetirilib, 8 ailə tamamilə məhv edilib, 76-sı uşaq olmaqla, 487 nəfər yaralanıb. Hazırda 36 uşaq və 65 qadın olmaqla, 196 Xocalı sakini Əsir və İtkin düşmüş, Girov götürülmüş Vətəndaşlarla əlaqədar Dövlət Komissiyasında itkin düşmüş kimi qeydiyyata alınıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video