İşləmək istəyənə hər yerdə iş var
Ermənistan silahlı qüvvələri Laçını işğal edəndə biz qohumluq əlaqələrimiz olan Tərtər rayonunun İsmayılbəyli kəndinə pənah gətirdik. Qohumlarımızla bərabər kənd camaatı da bizə hörmətlə yanaşıb qayğı və diqqət göstərdi.
Biz də qohum-əqrəbaya yük olmamaq üçün qollarımızı çırmayıb əkin-biçin işlərinə başladıq, mal-qara saxladıq. Çox keçmədi ki, öz qazancımızla ev tikdik, ailəmizin isti ocağı, rahat ev-eşiyi oldu.
Digər tərəfdən, dövlətin qaçqın və məcburi köçkünlərə davamlı qayğısı da uğurlu sabaha, xoş günlərə inamımızı artırdı. Haçan rayon rəhbərliyinə müraciət etdiksə, bizə həssaslıqla yanaşıldı və göstərilən qayğı fəaliyyətimizi genişləndirməyə təkan verdi.
İllər öncə cəmi bir hektarda başladığımız əkin-biçin sahəsi indi 100 hektara çatıb. Artıq kənd təsərrüfatı məhsullarından əldə etdiyimiz qazanc bizimlə birgə çalışan yeddi ailənin dolanışığını da təmin edir.
Bizim təsərrüfat əsasən toxumçuluqla məşğuldur. Bu il 50 hektar sahədə taxıl əkib-becərdik. Orta hesabla hər hektarın məhsuldarlığını 52 sentnerə çatdırıb 150 ton yüksək keyfiyyətli toxum istehsal etmişik. Toxum satdığımız Tərtər, Ağcabədi, Beyləqan, Cəlilabad və Göygöl rayonlarının fermerləri razılıqlarını bildirirlər.
Onu da deyim ki, bu il taxıl zəmilərinin məhsulunu biçib götürəndən sonra 22 hektarda qarğıdalı, 3 hektarda günəbaxan, 1 hektarda isə kartof əkib eyni sahədən iki dəfə məhsul götürdük. Gələn il təkrar əkin sahələrini genişləndirməyi nəzərdə tuturuq.
Ənənəvi kənd təsərrüfatı sahəsi olan baramaçılığa da böyük önəm veririk. 3,5 hektar sahədə Çin Xalq Respublikasından gətirilmiş 40 min çəkil əkmiş, 200 kvadratmetrlik kümxana tikmişik. Bundan başqa, cari ildə 4 hektar sahədə pambıq əkib-becərmiş, hər hektardan 42 sentner məhsul götürmüşük. Biz ətlik üçün 100 baş mal-qara, xeyli toyuq-cücə də saxlayırıq. Qulluq etdiyimiz 10 arı ailəsi ailəmizin və dost-tanışın bala olan ehtiyacını artıqlaması ilə ödəyir. Dediyim odur ki, könlündə işləmək həvəsi olan ehtiyac içində yaşamaz, özünü, ailəsini dolandırmaq üçün başqasına bel bağlamaz.
Mirzə CÜMŞÜDOV,
Tərtər rayonunun İsmayılbəyli kəndində məskunlaşmış laçınlı məcburi köçkün
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!