İordaniya ilə Azərbaycanın əlaqələri yüksələn xətlə inkişaf edir
Mayın 8-də Milli Məclisin Sədri Oqtay Əsədov İordaniya Haşimilər Krallığı Senatının sədri Tahir Əlmasiri ilə görüşmüşdür.
Qonağı Azərbaycanda görməkdən məmnun olduğunu bildirən O.Əsədov İordaniya ilə Azərbaycan arasındakı əməkdaşlıq əlaqələrinin müxtəlif sahələri əhatə etdiyini diqqətə çatdırmışdır. Milli Məclisin Sədri demişdir ki, münasibətlərin mövcud vəziyyətinin yüksək səviyyədə olması təqdirəlayiq haldır və əlaqələrin daha da genişləndirilməsi üçün qarşılıqlı səfərləri artırmaq lazımdır. Ölkələrimiz beynəlxalq təşkilatlar çərçivəsində səmərəli iş birliyi qurmuşlar. İslam Əməkdaşlıq Təşkilatında müzakirə olunan bütün məsələlərə dövlətlərimiz vahid mövqedən yanaşırlar ki, bu da qarşılıqlı münasibətlərin yüksələn xətlə inkişafını göstərir.
Görüşdə qeyd olunmuşdur ki, son illər Azərbaycanın iqtisadiyyatı dinamik inkişaf edir. Neft gəlirlərinin səmərəli istifadəsi nəticəsində yeni iş yerləri açılmış, əhalinin sosial vəziyyəti yaxşılaşmışdır. Lakin bunlarla yanaşı, Azərbaycanın problemləri də vardır. Əsas problem Azərbaycan torpaqlarının Ermənistan tərəfindən işğal edilməsi və nəticədə 1 milyon insanın qaçqın və məcburi köçkün vəziyyətində yaşamasından ibarətdir. Ermənilər 1992-ci ilin fevral ayında Azərbaycanın Xocalı şəhərini yerlə-yeksan edərək dinc əhalini soyqırımına məruz qoymuşlar. Bir sıra dünya dövlətlərinin parlamentlərində bu terror aksiyası azərbaycanlılara qarşı törədilmiş soyqırımı kimi tanınmışdır. Bu məsələyə İordaniya parlamentinin də siyasi qiymət verməsini arzulayırıq.
Milli Məclisin Sədri onu da qeyd etmişdir ki, son illər dünyanın bəzi dövlətlərində islamafobiya hallarının artması Azərbaycanı narahat edir.
Səmimi qəbula görə minnətdarlığını bildirən Tahir Əlmasiri demişdir ki, Azərbaycanın son illərdə əldə etdiyi uğurlar dost dövlət kimi bizi çox sevindirir. Azərbaycanda biz özümüzü doğma vətənimizdəki kimi hiss edirik. Çünki hər iki xalqın oxşar cəhətləri çoxdur və hər iki ölkənin əhalisi islam dininə etiqad edir. Biz əlaqələrin daha da yaxınlaşmasını istəyirik.
Senatın sədri bildirmişdir ki, İordaniyanın və Azərbaycanın dövlət başçıları arasında dostluq münasibətləri mövcuddur ki, bu da dövlətlərarası əlaqələrin inkişafına geniş şərait yaradır. Hər iki dövlətin başçısı demokratik islahatlara meyillidir və hüquqi dövlət quruculuğu yolunu seçmişdir.
Görüşdə qarşılıqlı maraq doğuran məsələlər müzakirə edilmişdir.
AzərTAc
Foto F.BAĞIROVUNDUR
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!