17:19 25 Sentyabr 2021
ONLINE XƏBƏR LENTİ
01:50 25.09.2021

Qürurlu və mətin


01:45 25.09.2021

Karl Benzin benzinli...


01:45 25.09.2021

Buxardan hidrogenədək


01:41 25.09.2021

Sidneydən Londona 4 günə


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İlk təam

ANA SƏHİFƏ / SƏHIYYƏ
01:42 18.07.2021

 

Süd insan övladının daddığı ilk təamdır. Təməl qidamız sayılan ana südü yeni doğulan uşaqlar üçün ideal qidadır və nadir tərkibinə görə “təbiət fenomeni” kimi qiymətləndirilir.

Mütəxəssislər bildirirlər ki, heç bir əvəzedici qida ana südünün yerini tuta bilməz. Pediatr-neonatoloq, uzman həkim Altay Abdullaoğlunun sözlərinə görə, körpələrin ilk 6 ayda su da daxil olmaqla ana südündən başqa heç bir qida maddəsinə ehtiyacı yoxdur. İlk 3-5 gün ərzində ifraz olunan ağız südünün (kolostrum) isə körpələrin gələcək inkişafında xüsusi rolu var. Bu süd ən çox proteinlər və immunqlobulinlə zəngin olur, körpəni zərərli mikroorqanizmlərdən müdafiə edir. Ana südünü uşağın ilk peyvəndi də adlandırırlar.

Alimlər ana südünün tərkibində 400 komponent aşkar ediblər. Yeni doğulmuş körpənin mədə-bağırsaq sistemi qidanı hələ ki, mükəmməl şəkildə həzm edə bilmədiyi üçün ana südünün tərkibindəki fermentlər uşaq orqanizminə yağları, karbohidratları həzm etməyə kömək edir.

Ana südünün vacib komponentlərindən biri karbohidratlardır. Ana südündəki karbohidratların əsas hissəsini uşağın inkişafında böyük rol oynayan laktoza təşkil edir. Məhz laktoza kalsiumun və dəmirin mənimsənilməsinə kömək edir. Laktoza uşağın mərkəzi sinir sisteminin inkişafı üçün də çox vacibdir. O həm də uşağın bağırsaqlarında lakto və bifidobakteriyaların əmələ gəlməsini stimullaşdırır ki, bu da bağırsaqlara düşən zərərli mikrobların inkişafına mane olur.

Ana südünün tərkibində əvəzsiz yağ turşuları, zülallar var ki, onlar da uşağın inkişafı üçün (xüsusilə beyinin və bağırsaqların) olduqca vacibdir.

Qidalı maddələrdən əlavə, ana südündə uşaq orqanizmi üçün vacib olan bütün vitamin və mikroelementlər var.

 

Nə qədər süd?

 

Təxminən 10 min il əvvəl əcdadlarımız yetişdirdikləri heyvanların südündən də faydalana biləcəklərini kəşf ediblər və ana südündən kəsildikdən sonra uşaqların bu heyvanların südü ilə qidalandırılmasına keçiblər.

Yüksək qida dəyəri olan süd (inək, keçi, qoyun və s.) uşaqlar, bütün yaş qrupunda olanlar üçün kalsium ehtiyacının ödənilməsində istifadə ediləcək ən yaxşı mənbədir. Bu səbəbdən mütəxəssislər südün çoxsaylı faydalarından yararlanmaq üçün hər gün 2 stəkan, başqa sözlə, 400 milliqram süd içməyi məsləhət görürlər. Türkiyəli qidalanma və pəhriz üzrə mütəxəssis Olcay Barış südün sağlamlığa verdiyi töhfələrlə bağlı bildirir ki, bu qida güclü sümüklər üçün mükəmməl mənbədir. Hətta 1 litr südün tərkibində olan kalsium 10 kiloqram ətdə olan kalsiuma bərabərdir.

“Sağlam sümüklər üçün süd içmək mütləqdir” söyləyən həkim vurğulayır ki, süd beyin üçün də faydalıdır və beynin ehtiyac duyduğu enerjini təmin edir. Tərkibindəki yüksək protein səbəbi ilə bədən toxumalarının inkişafına kömək edən süd fokuslanma və yaddaş qabiliyyətini gücləndirir.

Yağsız və ya az yağlı süd bədənə daha çox kalsium verir. Kalsium qan təzyiqini də azaldır və ən əsası ürək-damar xəstəlikləri riskini yüzdə 15 faizə qədər azalda bilir. Yaşla birlikdə sümük sıxlığının azalmasının qarşısını almağın ən yaxşı yolu kalsium və D vitamini qəbul etməkdir. Kalsium qəbulu üçün gündə 2-3 porsiya (2-3 stəkan) süd qəbul etmək tövsiyə olunur.

Həkim xəbərdarlıq edir ki, ehtiyacdan çox süd içsək, həddindən artıq kalsium qəbulu dəmir çatışmazlığına səbəb olar ki, bu da anemiya yaradar.

 

Xərçəngdən uzaqlaşdıran bəyaz yol

 

Elmi araşdırmalar süddə olan kalsiumun bağırsaqdakı xərçəngə səbəb ola biləcək artıq turşuları məhv etdiyini, beləliklə, həzm sisteminin sağlam şəkildə işlədiyini sübut edib. Kaliforniya Universitetinin doktoru Sedrik Qarland tərəfindən aparılan araşdırma süd məhsulları istehlak edən insanların daha yaxşı bağırsaqlara sahib olduğunu göstərib. 20 il ərzində 2000 nəfəri müayinə edən Qarland gündə 2-3 stəkan süd içən insanlarda bağırsaq xərçənginə rast gəlinmədiyini bildirib.

Yapon tədqiqatçıları hər gün süd içməklə mədə xərçənginin qarşısının alına biləcəyini təsdiqləyiblər. New York Xərçəng Araşdırma Mərkəzində süd içən xəstələrin xərçəng hüceyrələrində müayinə aparan zaman hüceyrə inkişafında ləngimə olduğunu müşahidə ediblər. Con Hopkins Universitetinin elm adamları isə süd içən insanların xroniki bronxitlə tez-tez qarşılaşmadıqlarını ifadə ediblər.

 



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM