23 Iyun 2012 01:06
384
Təhsil
A- A+

Heydər Əliyev Fondundan həştərxanlı uşaqlara növbəti hədiyyə

 

Volqayanı körfəz sahilində uşaq oyunları kompleksinin tikintisi başlanmışdır. Bu, Heydər Əliyev Fondunun vilayət mərkəzinə hədiyyəsidir.

AzərTAc Rusiya KİV-lərinə istinadən xəbər verir ki, Həştərxan meriyası ilə əməkdaşlıq çərçivəsində Azərbaycandan olan tərəfdaşlar 11 nömrəli məktəbi yenidən qurmuş, Azadlıq meydanındakı bağı abadlaşdırmışlar. Hazırda Volqayanı körfəzin üzərində körpü salınır. Növbədə yeni hədiyyə - uşaq şəhərciyi durur.

Bu bağda uşaq şəhərciyi yaratmaq ideyası çoxdan, hələ Heydər Əliyev Fondu bu ərazini abadlaşdırmağa başladığı vaxt yaranmışdı. İndi burada fəvvarəli, güllü-çiçəkli bağ salınmışdır. Azərbaycandan olan tərəfdaşlar uşaq meydançası üçün yeri Həştərxan meri ilə birlikdə seçmişlər. Əsas şərt təhlükəsizlikdir. Oyun komplekslərini kinomexanika zavodu binasının arxasında, yoldan uzaq bir yerdə tikmək qərara alınmışdır.

İndi hazırlıq işləri görülür. Uşaq şəhərciyinin salınacağı ərazinin ümumi sahəsi təqribən 1200 kvadratmetrdir. Layihəyə görə, oyun kompleksi yelləncəklər və digər uşaq əyləncələri olan beş meydançadan ibarət olacaqdır. Rahat yay kafesi tikmək də planlaşdırılır. Şəhər sakinləri əmindirlər ki, buraya öz uşaqları ilə birlikdə digər rayonlarından da ailələr gələcəkdir.

Piyadalar üçün salınan körpü bu yerin populyarlığını artıracaqdır. Körpüyə artıq Rusiya-Azərbaycan dostluğu körpüsü adı verilmişdir. Körpü Heydər Əliyev bağını Qujvin prospekti ilə birləşdirəcəkdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video