Heydər Əliyev Fondu uşaq evlərinin sakinləri və ahıllar üçün əyləncə proqramı təşkil edib
Heydər Əliyev Fondu Bakıda və regionlarda olan uşaq evlərinin, eləcə də Pensiya yaşına çatmış şəxslər üçün sosial xidmət müəssisəsinin sakinlərinə növbəti dəfə sevinc bəxş edib.
AZƏRTAC xəbər verir ki, fondun prezidenti Mehriban Əliyevanın tapşırığı ilə Bakı, Şəki, Gəncə və Lənkərandakı uşaq evləri, eləcə də Bakının Bilgəh qəsəbəsində yerləşən pensiya yaşına çatmış şəxslər üçün sosial xidmət müəssisəsinin sakinləri üçün nahar süfrələri və əyləncə proqramı təşkil olunub, onlara fondun müxtəlif hədiyyələri çatdırılıb.
2004-cü ildən fəaliyyət göstərən Heydər Əliyev Fondu valideyn himayəsindən məhrum olan uşaqlar, eləcə də yaşlı nəslin nümayəndələri üçün mütəmadi olaraq tədbirlər təşkil edir, kimsəsiz uşaq və ahılların sosial müdafiəsinin gücləndirilməsi, onların asudə vaxtlarının səmərəli təşkili baxımından layihələr həyata keçirir, bu kateqoriyadan olan insanlar əsl ailə qayğısı ilə əhatə olunur.
Fond tərəfindən aparılan ardıcıl tədbirlər, reallaşdırılan layihələrlə yanaşı, Heydər Əliyev Fondunun prezidenti Mehriban Əliyeva, fondun vitse-prezidenti Leyla Əliyeva kimsəsiz uşaq və ahılları daim ziyarət edirlər, onların gündəlik qayğıları ilə maraqlanırlar. Artıq bir doğmalıq sevgisi ilə əhatələnən bu insanların istər bayramlarını, tətil günlərini, istərsə də asudə vaxtlarını fondun nümayəndələri ilə birlikdə keçirmələri ənənə halına çevrilib.
Bugünkü istirahət proqramı da yaddaşlara daha bir xoş gün kimi yazıldı. Uşaq evlərinin, ahıllar müəssisəsinin sakinləri bu günün təəssüratını nahar süfrəsində bir-biri ilə maraqlı söhbətlər əsnasında paylaşdılar.
Bugünkü görüş həm də 1 saylı uşaq evinin sakinləri Qənirə Zeynalova, Maral Zeynalovanın və pensiya yaşına çatmış şəxslər üçün sosial xidmət müəssisəsinin sakini Lyudmila Ələkbərovanın doğum günlərinə təsadüf etdi. Məhz bu gündə keçirilən tədbir onlarda xoş təəssürat oyatdı.
Bu günlə bağlı təəssüratlarını bölüşən Lyudmila Ələkbərova deyib: “Bu ad günüm mənim üçün xüsusilə əzizdir. Bu, həyatımda ən unudulmaz ad günü idi. 18 yaşımdan sonra belə bir ad günüm olduğunu xatırlamıram. Mehriban xanım Əliyevanın rəhbərlik etdiyi Heydər Əliyev Fondunun dəstəyi ilə gözəl bir gün yaşadıq. Nahar süfrəsindən sonra musiqi sədaları altında şənləndik, alqış sədaları altında xüsusi hazırlanmış tortu kəsdik”.
Bu gün 13 yaşı tamam olan Maral Zeynalova ad gününü dostları ilə birlikdə şən və maraqlı keçirdiyini bildirib. On bir yaşını dostları ilə əylənərək qeyd etdiyini söyləyən Qənirə Zeynalova isə deyib: “Dostlarımla birgə doyunca rəqs etdik, maraqlı bir gün yaşadıq, hədiyyələrimiz də ürəyimizcədir. Belə gözəl doğum günü şənliyinə görə Heydər Əliyev Fonduna təşəkkür edirəm”.
Mehriban Əliyevanın tapşırığı ilə gözəl istirahət günündən xatirə olaraq uşaq evlərinə, eləcə də pensiya yaşına çatmış şəxslər üçün sosial xidmət müəssisəsinə Heydər Əliyev Fondunun hədiyyələri təqdim edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB...
29 Mart
İsveçrənin hidrogen qatarı rekord vurub
29 Mart
Laçındakı Aqrosənaye parkında 46 müəssisə fəaliyyət göstərəcək
29 Mart
Moskvada MDB İqtisadi Şurasının iclası keçirilib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!