24 Yanvar 2019 12:05
1292
Səhiyyə
A- A+

Gün ərzində 30-50 qram qoz-fındıq yeyilməsi orqanizmə faydalı təsir göstərir


Çərəzlərin faydası hələ eramızdan əvvəl də insanlara məlum idi. Qədim Bizans kahinləri daha ağıllı olmaqdan və üsyana qalxa biləcəklərindən ehtiyat etdikləri üçün aşağı təbəqədən olanların çərəz yeməyini qadağan etmişdilər.

AZƏRTAC tibbi saytlara istinadla xəbər verir ki, tərkibində E vitamininin olduğuna görə qoz-fındıq yaddaşı gücləndirir, əqli fəaliyyəti stimullaşdırır, yaşlı insanlarda yaddaş zəifliyinin inkişaf etməsi ehtimalını azaldır. Kalsium, kalium, dəmir, maqnezium, yod, fosfor, selen və müxtəlif vitaminlər, yağ turşuları, zülallarla zəngin olan qoz, fındıq, badam, yerfındığı və hind qozu ürək-damar sistemi üçün çox faydalıdır. Atereskleroz, qan azlığı, damar və ürəyin işemik xəstəlikləri kimi yayılmış xəstəliklər zamanı onlar yaxşı profilaktik və müalicəvi səmərə verir. Tərkibində çoxlu miqdarda yodun olmasına görə qoz-fındıq qalxanvarı vəzi xəstəlikləri olanlar üçün də çox xeyirlidir. Onunla qidalanmaq mübadilə proseslərini və qaraciyərin fəaliyyətini yaxşılaşdırır, fiziki gücü artırır, əzələlərə müsbət təsir göstərir.

Yaz avitaminozları zamanı həmin çərəzlər insanı onun sağlamlığı üçün çox vacib olan vitaminlərlə təmin edir. Yazda digər meyvə-tərəvəzdə vitamin az miqdarda qaldığı halda qoz-fındıqda faydalı maddələr hətta bir neçə il ərzində saxlanılır. Müsbət xüsusiyyətləri ilə yanaşı, qoz-fındığın bəzi özəllikləri də var. Allergiyaya səbəb olduğuna görə fiziki cəhətdən sağlam olanlar da həmin məhsulları ifrata varmadan məhdudlaşdırılmış miqdarda qəbul etməlidirlər. Gün ərzində 30-50 qram qoz-fındıq yemək orqanizmin həmin çərəzlərin tərkibində olan maddələrə olan ehtiyacını tam ödəyir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video