05:49 20 Sentyabr 2021
ONLINE XƏBƏR LENTİ
00:57 19.09.2021

Saxta erməni iddiaları


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Goranboy gəncləri Vətənin keşiyini çəkməyə gedirlər

ANA SƏHİFƏ / CƏMİYYƏT
00:19 25.07.2021

 

Goranboy rayonunda çağırışçıların təntənəli yolasalma mərasimi keçirilmişdir. Rayon icra hakimiyyətinin, hüquq mühafizə orqanları rəhbərlərinin, şəhid ailələri və qazilərin, eləcə də rayon ictimaiyyəti nümayəndələrinin iştirakı ilə keçirilən yolasalma mərasiminin iştirakçıları əvvəlcə Ümummilli Lider Heydər Əliyevin rayon mərkəzində ucalan abidəsini ziyarət edərək önünə gül dəstələri qoymuşlar.

Tədbirdə çıxış edənlər çağırışçıları təbrik edərək onlara Vətənə şərəflə xidmət etmələrini, nizam-intizamlı olma, vətənimizin keşiyində ayıq-sayıq dayanmalarını tövsiyə etmişlər. Diqqətə çatdırılmışdır ki, hərbi xidmətə yola salınan gənclər əsası Ulu Öndər Heydər Əliyev tərəfindən qoyulan bir orduda xidmət edəcəklər. Bu ordu Azərbaycan Respublikasının Prezidenti, Müzəffər Ali Baş Komandan İlham Əliyevin yüksək diqqət və qayğısı nəticəsində regionun ən güclü və qüdrətli ordusuna çevrilmişdir və keçən il

44 günlük müharibədə əsl qəhrəmanlıq, yüksək peşəkarlıq nümayiş etdirərək işğal altında olan torpaqlarımızı erməni işğalçılarından azad etmişdir.

Çağırışçılar tədbir iştirakçılarını əmin etmişlər ki, hərbi xidmətdə qalib Azərbaycan əsgəri adını şərəflə doğruldacaq, komandirlərinin hər bir əmrini yerinə yetirməklə vətənə olan məhəbbətlərini nümayiş etdirəcəklər.   

Sonda gənclər Azərbaycan bayrağının altından keçərək müddətli həqiqi hərbi xidmətə yola düşmüşlər.

 

Sabir ƏLİYEV,

“Azərbaycan”

 



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM