20 Iyun 2021 00:17
764
Səhiyyə
A- A+

Gəncliyə uzanan yol

 

Xalq arasında buğdanın cücərdilmiş formada yeyilməsinin sağlıq üçün faydalı olduğu bilinir. Bununla bağlı fitoterapevtlər bildirirlər ki, cücərdilmiş buğda ümumi möhkəmləndirici, cavanlaşdıran və müalicəvi vasitə kimi istifadə olunur.

Adi buğda ilə müqayisədə bu buğdanın kimyəvi tərkibi xeyli dəyişilir. Cücərdilmiş buğda zülallar, E, B qrupu vitaminləri, sink, dəmir, kalium və digər mikro və makroelementlərlə çox zəngindir.

E vitamini (tokoferol) orqanizmdə gedən qocalma prosesləri ilə mübarizə aparır, bərpa proseslərini sürətləndirir. Təbii tokoferol infarkt olma riskini azaldır.

Cücərdilmiş buğda B vitaminləri qrupu ilə zəngindir. Bu vitaminlər sinir və mədə-bağırsaq sistemi üçün çox faydalıdır. Tərkibində olan fol turşusu orqanizmin qanyaradan funksiyası üçün çox vacibdir. Həmçinin fol turşusu hamilə qadınların əsas vitamini sayılır. Fol turşusu döldə sinir sisteminin qusurlarının qarşısını alan əsas vasitə kimi tanınır.

Fitoterapevt bildirir ki, paxlalı və dənli bitkiləri cücərtmək üçün adambaşına 30-50 qram toxum kifayətdir. Lazımi miqdarda dəni qaba töküb, üstünə kimi su ilə doldurun, qabın ağzını parça salfet ilə örtüb 20-22 dərəcə isti olan yerdə saxlayın 6-12 saatdan sonra su acılaşacaq. Bundan sonra təzə su əlavə edin. Toxum növü və hava nəmliyindən asılı olaraq 48-72 saata (3 mm cücərti) cücərmə əmələ gəlir.

Buğda cücərtsini üyüdüb 1 çay qaşığı götürüb 1 xörək qaşığı  balla qarışdırın və səhər tezdən acqarına qəbul edin. Həmçinin buğdanı istənilən tərəvəz salatlarına da əlavə etmək olar. Cücərdilmiş buğdanı uzun müddət ərzində saxlamaq olmaz (1-2 gün soyuducuda saxlaya bilərsiz).

 

Yasəmən MUSAYEVA,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video