29 Iyul 2018 01:07
2237
Oxucu məktubları
A- A+

Gələcəyi belə düşünərlər

Rayonumuzda körpələrin sağlam böyümələri və hərtərəfli inkişafı üçün çoxsaylı tədbirlər həyata keçirilir. İlk növbədə, əsas diqqət məktəbəqədər uşaq-tərbiyə müəssisələrinin yenidən qurulub, avadanlıqlarla təminatına yönəldilir.

 

Son 3 ildə bu məqsədlə həm rayon mərkəzində, həm də kəndlərdə onlarca yeni körpələr evi-uşaq bağçası tikilmiş, köhnələri əsaslı şəkildə təmir edilmişdir. Bu yaxınlarda isə Qazax şəhərində yüz yerlik bir, Daş Salahlı kəndində 2 körpələr evi-uşaq bağçası müasir görkəmdə öz qapılarını uşaqların üzünə açmışdır.

Bunu bizim Xanlıqlar kəndindəki körpələr evi-uşaq bağçasının əsaslı təmirdən sonra istifadəyə verilməsi münasibətilə keçirilən mərasimdə eşitdim. Açılış mərasimində rayon icra hakimiyyətinin başçısı Rəcəb Babaşov, Milli Məclisin deputatı Ülviyyə Ağayeva və rayon ictimaiyyəti nümayəndələri də iştirak edirdilər. Çıxışlardan o da bəlli oldu ki, rayonda uşaqların sosial müdafiəsinin gücləndirilməsi istiqamətində belə tədbirlər davam etdiriləcəkdir.

Sonra bağçaya baxış keçirildi. Mən də tədbir iştirakçılarına qoşulub görülən işlərlə tanış oldum. Ürəyim dağa döndü, rahatlıq tapdım. Axı, mənim də oğlum burada tərbiyə alacaq. İndi övladlarını bu bağçaya gətirən digər valideynlər də arxayındırlar ki, uşaqları vaxtlarını burada şən keçirəcəklər. Biz övladlarımızın gələcəyini düşünərək onlara yüksək səviyyədə təlim-tərbiyə verilməsi üçün lazımi şərait yaradanlara dərin minnətdarlığımızı bildiririk.

 

Xatın HÜSEYNXANOVA,

Qazax rayonunun

Xanlıqlar kəndinin sakini

 

 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video