15 Iyun 2021 15:42
897
SİYASƏT
A- A+

Fransa portalı: Azərbaycan Cənubi Qafqazda sülh və sabitliyin möhkəmləndirilməsinə böyük əhəmiyyət verir  

Azərbaycan Ermənistanla münasibətlərin normallaşdırılması yolu ilə Cənubi Qafqaz regionunda sülh və sabitliyin möhkəmləndirilməsinə böyük əhəmiyyət verir. Prezident İlham Əliyev erməni tərəfinə iki ölkə arasında diplomatik münasibətlər üçün hüquqi zəmin yaradacaq, dövlətlərimizin ərazi bütövlüyünü, suverenliyini və sərhədlərinin toxunulmazlığı sahəsində qarşılıqlı hörməti təsdiqləyəcək ikitərəfli sülh müqaviləsinin hazırlanması üzərində işə başlamağı artıq təklif edib. Azərbaycan Qarabağda yaşayan erməniləri öz vətəndaşları hesab edir, onların bütün səviyyələrdə gündəlik həyata inteqrasiyası üçün bütün imkanlara və siyasi iradəyə malikdir.

Bu fikirlər Azərbaycan Respublikasının Birinci vitse-prezidentinin köməkçisi Elçin Əmirbəyovun “Musulmanenfrance” portalına müsahibəsində yer alıb.

E.Əmirbəyov bildirib ki, azərbaycanlılar və ermənilərin sülh və harmoniyada birgəyaşayışının uzun tarixini unutmaq olmaz. Sovet dövründə, ondan əvvəl və hətta bu gün Azərbaycanın digər rayonlarında azərbaycanlı və erməni icmalarının nümayəndələri birgə yaşayıb və yaşayırlar. Gürcüstanda da Azərbaycan və erməni mənşəli insanlar mehriban şəraitdə birgə yaşayırlar.

Müsahibədə Azərbaycan, Ermənistan və Rusiya Baş nazirlərinin birinci müavinləri səviyyəsində işçi qrupunun fəaliyyət göstərdiyi, 30 il ərzində blokadada qalmış bütün kommunikasiya yollarının açılması istiqamətində birgə səylər göstərildiyi diqqətə çatdırılıb. Kommunikasiya yollarının açılması regional iqtisadi əməkdaşlıq üçün nəhəng perspektivlərdən xəbər verir. Həmçinin bu, iki icma arasında etimadın möhkəmlənməsinə töhfə verəcək. Müharibənin yenicə qurtardığı və yaraların hələ tam sağalmadığını deyən E. Əmirbəyov qeyd edib ki, ölkəmiz Ermənistanla münasibətlərin qurulması istiqamətində iradəsini nümayiş etdirir. İki ölkə arasında əlaqələrin normallaşması Cənubi Qafqazı yaxşı qonşuluq, əməkdaşlıq və dostluq bölgəsinə çevirəcək.

Müsahibədə Fransa-Azərbaycan münasibətlərinə də toxunulub. Bildirilib ki, müharibə zamanı və ondan sonrakı dövrdə Fransa tərəfindən söylənən fikirlər, eləcə də nümayiş olunan mövqe iki ölkə arasındakı münasibətlərə xələl gətirməklə yanaşı, həm də rəsmi Parisin özünün dəfələrlə ifadə etdiyi fikir və göstərdiyi mövqeyə zidd idi.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video