Əsl müstəqil siyasətin nümunəsi
İlham Əliyevin son rəsmi səfərləri Azərbaycanın dünyanın müxtəlif siyasi qütbləri ilə bərabərhüquqlu, milli maraqlarımızı təmin edən əməkdaşlığını nümayiş etdirdi
İnkişaf dinamikasına görə dünyada seçilən və Cənubi Qafqazda lider dövlət olan Azərbaycanın bütün sahələr üzrə əldə etdiyi nailiyyətlər genişmiqyaslı və sanballıdır. Məhz bu uğurlar ölkəmizin dünya birliyində böyük nüfuz qazanmasına, sivil və modern dövlətlərlə bir sırada dayanmasına zəmin yaradıb, respublikamızın beynəlxalq rəydə artan imicə malik olmasını təmin edib.
Xorvatiya ilə əlaqələr Azərbaycan-Aİ münasibətləri baxımından əhəmiyyətlidir
Bu gün respublikamızın qazandığı uğurları bütün dünya etiraf edir. Təsadüfi deyil ki, Azərbaycan Prezidenti ilə görüşən xarici ölkələrin rəsmiləri - dövlət və hökumət başçıları, beynəlxalq təşkilatların rəhbərləri Cənubi Qafqazın əsas söz sahibi olan Azərbaycanla əməkdaşlığa böyük önəm verdiklərini, münasibətləri dərinləşdirməkdə maraqlı olduqlarını bəyan edirlər. Bu fikirlər bir neçə gün əvvəl Prezident İlham Əliyevin Xorvatiyada bu ölkənin rəhbərləri ilə keçirdiyi görüşlərdə bir daha səsləndi.
Həm Azərbaycanı, həm də Xorvatiyanı müstəqilliyə aparan yollar rahat olmayıb. Hər iki ölkə bunun üçün qurbanlar verib. Müstəqillik illərində isə iki dövlətin diplomatik münasibətləri 1995-ci ilin yanvarında qurulub. 2005-ci ildən Azərbaycanla Xorvatiya arasındakı münasibətlərdə xüsusi fəallıq müşahidə olunub, ikitərəfli əməkdaşlığın daha da genişləndirilməsi istiqamətində mühüm addımlar atılıb. Ötən 13 ildə bu ölkələrin dövlət başçıları bir neçə dəfə qarşılıqlı səfərlər ediblər. Məhz dövlət başçılarının gərgin əməyinin nəticəsi olaraq ölkələrimizin əlaqələri yeni - dinamik inkişaf mərhələsinə qədəm qoyub, münasibətlər bir çox mühüm sferaları əhatə etməyə başlayıb.
Xorvatiya ilə əlaqələr həm də Azərbaycan-Avropa İttifaqı münasibətləri baxımından diqqəti cəlb edir. Xatırladaq ki, Xorvatiya 2009-cu ildən NATO-nun, 2013-cü ildən isə Avropa İttifaqının üzvüdür. Dost ölkə kimi Xorvatiya hər zaman Azərbaycanın Avropa təşkilatları ilə əlaqələrinin inkişafına dəstək verib. Təsadüfi deyil ki, Prezident Kolinda Qrabar-Kitaroviç Azərbaycanı NATO-nun mühüm tərəfdaşı adlandırdı. Ümumiyyətlə, Prezident İlham Əliyevlə keçirilən görüşlərdə Azərbaycanın Əfqanıstanda "Qətiyyətli dəstək” missiyasında iştirakının önəmi qeyd olundu, ölkəmizin Avropa İttifaqı ilə uğurlu əməkdaşlıq etdiyi bildirildi.
Azərbaycanın Aİ ilə əlaqələri son illərdə uğurla inkişaf edir. Bunu 2018-ci ildə baş vermiş bəzi hadisələr də təsdiq edir. Məsələn, Prezident İlham Əliyevin bu ilin iyul ayında Brüsselə səfəri zamanı Azərbaycanla Avropa İttifaqı arasında paraflanan "Tərəfdaşlıq prioritetləri” sənədi rəsmi Bakının həm uğurlu, həm də müstəqil xarici siyasətinin növbəti təsdiqi idi. "Tərəfdaşlıq prioritetləri” sənədi Azərbaycan-Aİ əməkdaşlığının davamı olaraq münasibətlərdə yeni səhifə açır. Sənəddə qeyd edildiyi kimi, əməkdaşlığın daha da gücləndirilməsi məqsədilə qarşılıqlı maraq və birgə dəyərlərə əsaslanaraq Azərbaycan və Aİ tərəfindən birgə tərəfdaşlıq prioritetləri razılaşdırılıb. Bir sıra mühüm məsələlərin yer aldığı sənəddə Azərbaycan ilə Avropa İttifaqı arasında vizaların ləğvi sahəsində dialoqun perspektivləri də əksini tapıb. Bütövlükdə bu sənəd ikitərəfli tərəfdaşlıq əlaqələrinin gələcək inkişafı üçün yeni imkanlar yaradır.
Azərbaycan-Aİ münasibətlərinin bir istiqamətini isə enerji təhlükəsizliyi sahəsində əməkdaşlıq təşkil edir. Aİ rəhbərliyi Bakının enerji sahəsində əməkdaşlıqdakı qətiyyətini, əzmini, tərəfdaşlığa olan sadiqliyini daim yüksək qiymətləndirir. Bu il açılışı olan "Cənub qaz dəhlizi” layihəsinə Aİ ilk gündən böyük siyasi dəstək verib.
Azərbaycanın Aİ üzvü olan ayrı-ayrı ölkələrlə də əlaqələri sürətlə inkişaf edir. Hətta bu əlaqələr bəzi dövlətlərlə strateji mahiyyət daşıyır. Xorvatiya da həmin dövlətlərdən biridir. Hələ 2013-cü ildə "Azərbaycan Respublikası və Xorvatiya Respublikası arasında strateji tərəfdaşlıq və dostluq münasibətləri haqqında Zaqreb Bəyannaməsi” imzalanıb. Xatırladaq ki, artıq Azərbaycanla Aİ üzvü olan 11 ölkə arasında strateji tərəfdaşlıq haqqında sənədlər imzalanıb. Bütün bunlar Aİ ilə Azərbaycan arasında gələcək illər üçün strateji əməkdaşlığı müəyyən edəcək yeni sazişin imzalanması üçün gözəl əsas yaradır.
Azərbaycan-Rusiya əlaqələri bir-birinin marağına hörmət prinsiplərinə əsaslanır
Dəyişən və kəskinləşən dünya nizamı beynəlxalq münasibətlər sistemində öz yeri olan hər bir ölkə qarşısında yeni vəzifələr qoyur. Bu vəzifələrin yerinə yetirilməsində ən mühüm amillərdən biri sözsüz ki, xarici siyasətin qarşısında dayanan priortetlərin yerinə yetirilməsidir. Lakin hazırkı vəziyyət hər ölkəyə müstəqil və milli maraqlara uyğun xarici siyasət yürütməyə imkan vermir. Bəzən isə onlar həyata keçirdikləri siyasəti kənar təsirlərlə uzlaşdırmaq, müəyyən diktələri qəbul etmək məcburiyyətində qalır. Məsələn, Ermənistan heç vaxt müstəqil siyasət yürüdə bilməyib. Bu ölkənin yeni baş naziri nə qədər çalışsa da, görünən odur ki, xarici siyasətini kənar diktələrə uyğun qurmalı olacaq.
Azərbaycanın isə tamamilə müstəqil, öz milli maraqlarını təmin edən siyasət yürütməsi respublikamızı beynəlxalq nüfuz baxımından xarakterizə edən ən əsas keyfiyyətlərdən biridir. Ölkəmiz dünyanı düşündürən aktual, qlobal narahatlıq doğuran bütün məsələlərdə özünün qətiyyətli və cəsarətli mövqeyini ortaya qoyur. Ən mühümü odur ki, rəsmi Bakı müxtəlif siyasi qütblərdə dayanan bütün dövlətlərlə fəal, bərabərhüquqlu, mili maraqları təmin edən əməkdaşlıq edir. Prezident İlham Əliyevin bu günlərdə Rusiyaya etdiyi rəsmi səfər və Soçidə Prezident Vladimir Putinlə apardığı danışıqlar bir daha bunu təsdiq etdi.
Fövqəldövlət kimi bir statusa malik Rusiyanın beynəlxalq münasibətlər sistemində özünəməxsus yeri və çəkisi var. Azərbaycan və Rusiya arasında həmişə qarşılıqlı anlaşma mühiti hökm sürüb. Rəsmi Bakı Moskva ilə münasibətlərdə özünü Rusiya ilə strateji tərəfdaş hesab edən Ermənistandan fərqli olaraq milli maraqlarını həmişə gözləyir və təmin edir. Prezident Vladimir Putin də bildirib ki, münasibətlər bir-birinin marağına hörmət prinsiplərinə əsaslanır: "Rusiya və Azərbaycanı möhkəm dostluq və əməkdaşlıq ənənələri bağlayır. Dövlətlərimizin münasibətləri qarşılıqlı faydalı tərəfdaşlıq xarakteri daşıyır, mehriban qonşuluq və bir-birinin marağına hörmət prinsiplərinə əsaslanır”.
Son illərdə iki ölkə arasında əlaqələr yüksələn xətt üzrə sürətlə inkişaf edir, dövlət başçılarının qarşılıqlı səfərləri əməkdaşlığın genişlənməsinə güclü təkan verir. Hər bir səfər münasibətlərin strateji və dostluq xarakterini təsdiqləyib. Prezident İlham Əliyevin Rusiyaya son rəsmi səfəri də bir daha göstərdi ki, Azərbaycanla Rusiya arasında əməkdaşlıq keyfiyyətcə yeni mərhələdə uğurla inkişaf edir. İki ölkə arasında münasibətlər səmimi, etibarlı və möhkəmdir.
Rəşad CƏFƏRLİ,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addım...
29 Mart
Ermənistan Teleradio Şəbəkəsinin direktoru istefa verib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!