03 May 2021 16:36
700
DÜNYA
A- A+

Ermənistan parlamenti Paşinyanı baş nazir seçmədi

 

Ermənistan parlamentinin deputatları xüsusi iclasda ölkədə növbədənkənar parlament seçkilərinin keçirilməsi üçün Nazirlər Kabineti rəhbərinin vəzifələrini icra edən Nikol Paşinyanın baş nazir postuna seçilməsinə səs verməyib.

AZƏRTAC Ermənistan telekanallarına istinadla xəbər verir ki, Nikol Paşinyanın baş nazir postuna seçilməsinin lehinə 1 deputat, əleyhinə 3 deputat səs verib, 75 deputat isə bitərəf qalıb. Beləliklə Paşinyan baş nazir postuna seçilməyib. Bu barədə Ermənistan parlamentinin spikeri Ararat Mirzoyan bildirib.

Baş nazirin seçilməsi üzrə yeni iclasın mayın 10-da keçiriləcəyi gözlənilir. Əgər parlament üzvləri yenidən Nikol Paşinyanın seçilməsinin əleyhinə səs versə, qanunverici orqan buraxılacaq, prezident Armen Sarkisyan isə növbədənkənar seçkilərin vaxtını təyin etməli olacaq.

Nikol Paşinyanın sözlərinə görə, siyasi güclər razılaşmanı pozaraq baş nazir postuna namizədlər irəli sürsələr “Mənim addımım” fraksiyası Nazirlər Kabinetinin yeni rəhbərini seçəcək.

Qeyd edək ki, Nikol Paşinyan respublikada növbədənkənar parlament seçkilərinin keçirilməsi üçün aprelin 25-də istefa verib. O, hazırda Nazirlər Kabinetinin rəhbəri vəzifəsini icra edir. Texniki prosedura uyğun olaraq, baş nazirin ardından ölkə hökuməti də istefaya gedib.

Parlamentin müxalif “Maariflənmiş Ermənistan” və “Çiçəklənən Ermənistan” fraksiyaları Paşinyanın istefasından sonra baş nazir postuna namizəd irəli sürməyəcəklərini elan ediblər. Ermənistanın əsas siyasi gücləri artıq növbədənkənar parlament seçkilərində iştirak edəcəklərini bildiriblər. Ekspertlərin fikrincə, seçkilərdə “Mənim addımım" fraksiyasının əsas rəqibləri sabiq prezidentlər Robert Köçəryan və Serj Sarkisyanın blokları olacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video