11:04 18 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Ermənistan cəmiyyəti işğal siyasətindən əl çəkilməzsə, bunun hansı acı nəticələr doğuracağını dərk etməyə başlayıb
ANA SƏHİFƏ / OXUCU MƏKTUBLARI
12:07 02.07.2017

 

Azərbaycan dövlətinin yürütdüyü xarici siyasət və paralel olaraq ordumuzun ardıcıl endirdiyi sarsıdıcı zərbələr Ermənistan cəmiyyətində “sərin duş” effekti doğurub və nəhayət, düşmən cəbhəsi vəziyyəti real qiymətləndirməyə başlayıb.

Keçən il aprel döyüşlərində aldığı ağır zərbədən sonra hər gün qisas hərisliyi ilə cəbhə xətti boyu təxribat törədən erməni silahlı quldur birləşmələri  ordumuzun əks həmlələri ilə sarsılmış, hər dəfə itki verərək geri çəkilməyə məcbur olmuşdur. Ermənistan əhalisi arasında dərinləşən pessimist əhvalın, ruh düşgünlüyünün  qarşısını almaq, yenidən ictimai şüuru “qazlı havaya” soxmaq üçün erməni ideoloqların atdıqları hər addım fiaskoya uğramaqda  və bumeranq effekti ilə geri dönməkdədir: hazırda Ermənistanda, eləcə də Azərbaycanın əzəli torpaqları - Qarabağda separatçı quldur pejiminin əsarəti altında yaşayan ermənilər  sürətlə “ağıllanmağa”, müqavimətin əbəs olduğunu, gec-tez işğal edilən torpaqları əsl  sahibinə qaytarmaq məcburiyyətində qalacaqlarını aydın şəkildə dərk etməyə başlayıblar.

Ermənistan KİV-i, siyasi-ictimai xadimləri, politoloqları, həmçinin adi vətəndaşları  bu barədə daha açıq və  uca, həyəcanlı səslə danışırlar. Nəhayət,  onlar işğalçı siyasətin perspektivdə erməni xalqı  üçün hansı faciə ilə nəticələnəcəyini görməyə başlayıblar.  Kasıb, iqtisadiyyatı zəif, maliyyə imkanları məhdud, insan resursları tükənməkdə olan  Ermənistanın gec-tez təslim olacağını  indi hər kəs anlayır. 

Analitiklər  onsuz da demoqrafik vəziyyətin son dərəcə kritik olduğunu, müharibə davam etdikcə və genişləndikcə daha da kəskinləşəcəyini  xatırladaraq  Azərbaycanın işğal altındakı torpaqlarını geri qaytarmağı təklif edirlər. Bu ideya ilə hətta siyasi hərəkat da başlanıb, seçkilərdə platformasını bunun üzərində quran siyasi zümrə də yaranıb. Sadə insanların da əksəriyyəti  işğal avantürasından əl çəkməyin tərəfdarıdırlar. Çarəsiz qalan erməni xalqı çıxış yolunu Ermənistandan qaçmaqda görür. Gedənlər də, imkansızlıqdan qalanlar da məhvdən qurtulmaq üçün Azərbaycanın ərazi bütövlüyünü tanımağı, işğala son qoymağı tələb edirlər. Cəbhədəki son itkilərdən sonra bu səslər daha gur eşidilməyə başlanılıb. Erməni mətbuatında hər gün bu barədə yazılır, əhali  imkanı çatan hər səviyyədə, sosial platformalarda yanğı ilə səsini ucaldır.

Ümid edirik ki, ermənilərin başbilənləri də aşağıların səsini eşidəcək, sülh yolu ilə, qan tökmədən Azərbaycanın işğal altındakı torpaqlarından  çəkilməklə öz xaqlarına xidmət göstərmiş olacaqlar. Əks təqdirdə, elə özlərinin yürütdükləri mənfur siyasət nəticəsində Ermənistanın dövlət, ermənilərin də bir toplum kimi sonu çatacaq. 

 

Mədətəli HADIYEV,

müəllim 



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM