25 Noyabr 2011 12:11
332
SİYASƏT
A- A+

Ermənilərin UNESCO-da irəli sürdükləri iki nominasiya qəbul edilməmişdir

 

Azərbaycanın UNESCO yanındakı  daimi nümayəndəliyindən AzərTAc-a bildirmişlər ki, noyabrın 23-də İndoneziyanın Bali adasında qurumun qeyri-maddi mədəni irsin qorunması üzrə hökumətlərarası komitəsinin VI sessiyası öz işinə başlamışdır.

Tədbirdə keçən ildən etibarən dördillik müddətə komitəyə üzv seçilmiş Azərbaycanı UNESCO yanındakı daimi nümayəndəliyimizin birinci katibi Anar Kərimov, ekspert-musiqişünas Sənubər Bağırova,  Mədəniyyət və Turizm Nazirliyinin əməkdaşı Günay Əliyeva təmsil etmişlər.

Sessiyanın birinci günündə qeyri-maddi mədəni irsin təcili qorunma siyahısına təqdim olunmuş işlər müzakirə edilmişdir. Bu işlər arasında ekspertlərin mənfi rəyinə baxmayaraq, Ermənistanın təkidilə  müzakirəyə çıxarılmış iki nominasiya - "Erməni aşıq məhəbbət romansı ənənəsi" və "Erməni su festivalı Vardavar" təqdim edilmişdir.

Müzakirə zamanı ölkəmizin nümayəndəsi Ermənistanın təqdim etdiyi nominasiyaların Konvensiyanın müvafiq meyarlarına cavab vermədiyini bildirmişdir. Türk xalqlarına məxsus aşıq sənətinin Ermənistan tərəfindən mənimsənildiyini və nominasiyada Dağlıq Qarabağla bağlı təxribat xarakterli istinadların olduğu komitənin üzvlərinə çatdırılmışdır. Qeyd edilənlərin Konvensiyanın müvafiq müddəalarına zidd olduğu və UNESCO-nun əsas prioritetlərindən olan mədəniyyətlərarası dialoqa və qarşılıqlı anlaşmaya töhfə vermədiyi vurğulanmışdır.

Qurumun üzvü olan ölkələrin nümayəndələri də öz çıxışlarında Azərbaycanın bu prinsipial mövqeyini dəstəkləmişlər.

Ermənistan nümayəndəsinin izahatlarına baxmayaraq, komitənin əksər üzvləri ədalətli mövqe tutaraq Ermənistanın iki nominasiyasının qeyri-maddi mədəni irs üzrə təcili qorunma siyahısına daxil edilməsinin əleyhinə çıxış etmişlər.

Beləliklə, komitənin müvafiq qərarına əsasən sözügedən iki nominasiya qəbul edilməmişdir.

Xatırladaq ki, 2003-cü ildə UNESCO-nun baş konfransı tərəfindən qeyri-maddi mədəni irsin qorunmasına dair Konvensiya qəbul edilmişdir. Onun işində 137 ölkə iştirak edir. Yalnız Konvensiyanı ratifikasiya etmiş ölkələr qeyri-maddi mədəni irs siyahısı  nominasiyası hüququndan istifadə edə bilərlər.

  Qeyri-maddi mədəni irsin qorunması üzrə hökumətlərarası  komitədə UNESCO-nun üzvü olan dövlətlərin - Azərbaycan da daxil olmaqla 24 ölkənin nümayəndəsi təmsil olunur.

 

Əsgər ƏLİYEV,

AzərTAc-ın xüsusi müxbiri

 

Paris

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video