Ermənilərin Qarabağda növbəti fiaskosu
Yaxud “dəlidən doğru…” qərar
Erməni xalqının tarixi təqvimində növbəti qara gün sentyabrın 2-də yarandı. Artıq bunu ermənilərin özləri də danmır. Erməni siyasi şərhçi Tevos Arşakyan deyir ki, hələ keçən il həmin gün ermənilər bir-birini təbrik edirdi: “Amma bu gün təqvimin qırmızı günü qaraya çevrilib. Xalqımızın yaddaşında belə kədərli tarixlər çoxdur, lakin məhz 2 sentyabr 2021-ci il tarixdə “dqr”in - “artsaxın” son günü kimi qalacaqdır”.
T.Arşakyan daha sonra bildirir ki, “dqr”in elan olunmasının 30-cu “ildönümü”ndə Ermənistanın ali vəzifəli şəxslərinin heç biri “artsax”a gəlmədi. Nə prezident, nə baş nazir, nə sonuncunu əvəz edən Papikyan, nə də XİN başçısı Mirzoyan. Niyə gəlmədilər? Cavab aydındır, söhbət qorxudan gedir.
Onlar rəsmi Bakının qəzəbindən qorxurlar. Sentyabrın 2-də Robert Koçaryan və Serj Sarkisyan da “artsax”a gəlmədi. Halbuki ən azı onlar öz “doğma” yerlərini ziyarət edə bilərdilər. Lakin Koçaryanla Sarkisyanın da bunu etməyə cəsarəti çatmadı”.
Bəli, Qarabağda rus sülhməramlılarının arxasında gizlənən separatçıların “yubiley”inə Ermənistan hakimiyyətindən rəsmi şəkildə heç kəs qatılmadı, yalnız parlamentdə təmsil olunan fraksiyaların bir neçə deputatından savayı. Hər il təmtəraqlı mərasimlər, rəsmi nümayəndələrin səfərləri, çıxışları ilə keçən qondarma “artsax”ın “müstəqillik” günü bu il sadəcə bəyanatlarla “qeyd olundu”.
Səbəbini erməni siyasi ekspert Tevan Poqosyan belə açıqlayır: “İlk dəfə olaraq Ermənistan rəhbərliyi “müstəqillik günü” münasibətilə Qarabağa getmədi. Bunun səbəbini Ermənistan rəhbərliyinin qorxu və narahatlığında axtarmaq lazımdır. Necə deyərlər, iki qorxu - bir ölüm. Bəlkə də vəzifələrini itirməkdən, bəlkə də Azərbaycanın reaksiyasından qorxdular”.
Ermənistan parlamentinin deputatı, “Ermənistan” fraksiyasının üzvü Areqnaz Manukyan da bununla bağlı Paşinyan hakimiyyətini tənqid edib. Deputat qondarma rejimin yaradılmasının 30 illiyi ilə bağlı tədbirlərdə prezident Armen Sarkisyan, baş nazir Nikol Paşinyan və spiker Alen Simonyanın iştirak etməməsinin səbəbini belə izah edib: “Qarabağdakı “müstəqillik” tədbirinə Ermənistanın 3 ən yüksək vəzifəli şəxsi qatılmayıb. Bu misligörünməmiş hadisədir. Müharibədən sonra yalnız xarici işlər naziri Ara Ayvazyan Qarabağa getdi. Bundan sonra Azərbaycan belə halların təkrar olunacağı halda reaksiya verəcəyini bildirdi. Bu sözlərdən sonra Qarabağa səfərlər dayandırıldı”.
Jurnalistlər də Ermənistanın yüksək-səviyyəli dövlət nümayəndələrinin qondarma “artsax”ın yaradılmasının 30-cu ildönümü münasibətilə oranı ziyarət etmədiklərinin, Paşinyanın isə belə bir vaxtda məzuniyyətə getdiyinin səbəbini soruşublar. Ermənistanın ərazi idarəetmə və infrastruktur naziri Vaaqn Xaçatryan məsələni belə izah edib: “Deməli, belə lazımdır. Bunun üçün siyasi qərar qəbul edilib. Bu cür addım atmaq zəruridir. Başqa heç nə axtarmayın, hər şey yaxşıdır”. O, həmçinin bundan böyük bir problem düzəltməyə gərək olmadığını vurğulayıb: “Ermənistan hakimiyyəti bu günlə əlaqədar tədbirləri belə keçirmək qərarına gəldi. Heç bir problem yoxdur. Bundan böyük problem yaratmayın”.
Onu da bildirək ki, Qarabağda təxribat xarakterli “mərasim”ə qatılan Ermənistan parlamentində təmsil olunan fraksiyaların üzvlərinə də burada xoş münasibət sərgilənməyib. “Qraparak” qəzeti yazır ki, həmin deputatlar Xankəndidə hücuma məruz qalıblar. Belə ki, Xankəndi şəhərinə gələn deputatlar yerli sakinlər tərəfindən qəzəblə qarşılanıblar. Sakinlər İrəvandan gələn deputatları, onların təmsil etdikləri İrəvan hakimiyyətini övladlarının və ərlərinin qatilləri hesab etdiklərini bildiriblər. Hadisələr hətta o həddə çatıb ki, çağırılmamış qonaqları qəzəbli sakinlərin daş-qalağından qorumaq üçün polis çağırılıb.
Bax, belə bir vəziyyətdə irəvanlıların Xankəndiyə gəlməməsini qorxu-ürküdən savayı, həm də “dəlidən doğru...” qərar kimi də qəbul etmək olar.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!