Erməni vəhşiliyinin qurbanı
Turanə Həsənli dünyaya Tərtər rayonunun Həsənqaya kəndində göz açmışdı. Bu kənd düşmənlə təmas xəttinin lap yaxınlığında yerləşir. Ona görə də Turanə kiçik yaşlarından atəş səslərini çox eşitmiş, buna alışmışdı. Bəlkə də buna görə ötən il aprel ayının əvvəlində cəbhədə vəziyyət gərginləşəndə qorxu hissi keçirmirdi.
Turanədən fərqli olaraq dünyagörmüş valideynləri vəziyyətin kəskinləşdiyini, düşmənin növbəti dəfə azğınlaşdığını gördüklərindən kənddə qalmağın təhlükəli olduğunu anlayırdılar. Bu səbəbdən körpə uşaqlarla bərabər Turanəni də Tərtər şəhərindəki qohumlarının evlərinə göndərmişdilər.
Ancaq aprelin 5-də xalasının kəndə gedəcəyini eşidən Turanə ona qoşularaq evlərinə qayıtmışdı. Anası Laləzar qızının qayıdıb gəldiyini görüb çox həyəcanlanmış, onu buna görə danlamışdı da:
- Göydən od tökülür. Sən niyə gəlmisən?
Cavab gözləmədən çay-çörək hazırlayan ana qızı ilə yeməyə oturmuşdu. Hər ikisi süfrənin kənarında boş yerə baxıb köks ötürmüşdü. Qız anasının ürəyindən keçənləri sözsüz başa düşürdü. O yerdə hərbçi qardaşı Ceyhun otururdu. Ceyhun isə həmin vaxt döyüşdə, odun-alovun içində idi. Müharibənin belə bir gərgin vaxtında ana 7 övladının hamısına görə nigarançılıq keçirsə də, ən çox Ceyhundan narahat idi. Amma bilmirdi ki, cəmi bir neçə dəqiqədən sonra erməni vandallarının göydən yağdırdıqları od-alov onun sonbeşik balasının üstünə töküləcək...
Evlərində həmişə deyərdilər ki, bu qız sanki od parçasıdır, iş görəndə əl-ayağını görmək olmur. Amma bu dəfə Turanə nədənsə anasının sözünə baxıb evdə ləngimədi. Həyətə çıxıb çox sevdiyi çiçək açmış ağaclara baxmağa da macal tapmadı. Həyətə düşən mərmi bağdakı çiçəkli ağaclarla bərabər qızın həyatına da son qoydu...
Turanə Həsənli bu həyatda cəmi 16 il yaşadı. Fəsillərin içində ən çox baharı sevirdi. Özü də gözəlliyi, çılğınlığı ilə yaz fəslini xatırladırdı. Hər il bağçalarındakı ağaclar çiçəkləyəndə onların arasında şəkil çəkdirərdi...
Təəssüf ki, insan haqlarından, ədalətdən dəm vuran ölkələr ermənilərin bu sayaq vəhşiliklərinə göz yumur, onlara qarşı sanksiya tətbiq etmir və işğaldan əl çəkməyə çağırmır.
Svetlana BAĞIROVA,
Tərtər rayonu
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!