22 Iyul 2021 17:44
814
SİYASƏT
A- A+

Dövlət Dumasının komitə sədri: ATƏT-in Minsk qrupu məhsuldar işləmədi  

İyulun 20-də Azərbaycan Respublikasının Prezidenti İlham Əliyevin Rusiya Federasiyası Prezidenti Vladimir Putinin dəvəti ilə Rusiyaya işgüzar səfəri qonşu ölkənin mətbuatında geniş müzakirə olunmaqdadır.

AZƏRTAC xəbər verir ki, Dövlət Dumasının MDB işləri, Avrasiya inteqrasiyası və həmvətənlərlə əlaqələr üzrə komitəsinin sədri Leonid Kalaşnikov “Vestnik Kavkaza”ya müsahibəsində səfəri və səfər çərçivəsindəki danışıqları regional sülhün bərqərar olması baxımından yüksək qiymətləndirib. Komitə sədri Prezident İlham Əliyevin Moskva səfərini müharibədən sonra Cənubi Qafqazda daimi sülhün bərqərar olması istiqamətində mühüm hadisə adlandırıb. Prezidentlərin görüşünün konstruktiv nəticələr verəcəyinə inandığını deyən komitə sədri prosesə üçüncü tərəflərin istənilən formada müdaxiləsinin regionda vəziyyətin normallaşmasına kömək etməyəcəyini bildirib. O deyib: “ABŞ və Fransanın həmsədrlik etdiyi ATƏT-in Minsk qrupu məhsuldar işləmədi. İndi həmin rəsmi Paris sülh proseslərinə siyasi və maddi kömək etmək əvəzinə, yenə də tərəflərdən yalnız birini dəstəkləyir və beləliklə, bölgədə sülhün yaranmasına zərbə vurur”.

Bu səbəbdən sülh səylərinin hazırkı formatda davam etməsini məqbul sayan Kalaşnikov vurğulayıb: "Xarici aktorlar hər zaman olduğu kimi, yenə də yalnız hüquqlar, demokratiya haqqında fikirlərini ortaya qoyacaqlar, Bu isə şübhəsiz ki, hər yerdə sülh prosesinə kömək etmir. Cənubi Qafqazdakı sülhün dünyanın qeyri-regional ölkələrinin deyil, bölgədə qonşu olan dövlətlərin, ilk növbədə, Rusiya, Azərbaycan və Ermənistanın maraqlarına əsaslanması lazımdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video