Danimarkada nəşr olunan «Metro Xpress» qəzetinin rəhbərliyi yaydıqları yanlış məlumata görə Azərbaycan diasporundan üzr istəmişdir
Xəbər verdiyimiz kimi, Danimarkada fəaliyyət göstərən "Vətən" Cəmiyyəti ölkədə böyük tirajla nəşr olunan "Metro Xpress" qəzetində Dağlıq Qarabağa turist səfərlərinin təşkili və bunun təbliği barədə məqaləyə etiraz olaraq mətbu orqanın rəhbərliyinə məktub ünvanlamışdır.
Diasporla İş üzrə Dövlət Komitəsindən AzərTAc-a bildirmişlər ki, "Metro Xpress" qəzetinin rəhbərliyi yaydıqları yanlış məlumata görə Azərbaycan diasporundan üzr istəmişdir.
"Metro Xpress"in cavab məktubunda qəzetin əməkdaşı Nadine Nelsen tərəfindən hazırlanmış yazının yanlış olduğu vurğulanır və Danimarkada yaşayan azərbaycanlılardan üzr istənilir. Məktubda deyilir: "Məlumata görə sağ olun. Biz Dağlıq Qarabağın xəritə üzərində Ermənistan ərazisində yerləşdiyini gördük. Bu barədə ətraflı məlumat almağa çətinlik çəkmişik. Gələcəkdə bunlar nəzərə alınacaqdır. Üzr istəyirik".
"Vətən" Cəmiyyəti "Metro Xpress" qəzetinin rəhbərliyinə Azərbaycan, eləcə də Dağlıq Qarabağ ilə bağlı obyektiv məlumatları çatdırmağa hər zaman hazır olduğunu bildirmiş və bir daha xatırlatmışdır ki, Dağlıq Qarabağ da daxil olmaqla Azərbaycan Respublikasının torpaqlarının 20 faizi Ermənistan tərəfindən işğal edilmişdir. Bu işğal nəticəsində bir milyon azərbaycanlı öz doğma yurd-yuvalarından didərgin düşərək qaçqın və məcburi köçkün şəraitində yaşayır. "Vətən" Cəmiyyəti işğal olunmuş Azərbaycan torpaqlarının azad olunacağını, qaçqın və məcburi köçkünlərin öz doğma torpaqlarına qayıdacaqlarını vurğulamışdır.
Xatırladaq ki, "Vətən" Cəmiyyətinin "Metro Xpress" qəzetinə Danimarka və ingilis dillərində göndərdiyi etiraz məktubunda Dağlıq Qarabağın əzəli Azərbaycan torpağı olduğu, onun ermənilər tərəfindən işğal edildiyi bildirilmişdir. Etiraz məktubunda, həmçinin BMT Təhlükəsizlik Şurası tərəfindən Ermənistandan Azərbaycan torpaqlarının qeyd-şərtsiz azad edilməsini tələb edən dörd qətnamənin qəbul olunduğu bir şəraitdə Azərbaycanın Dağlıq Qarabağ bölgəsinə turist səfərləri təşkil edən ermənilərin bu hərəkətlərinin qanunsuz və beynəlxalq hüququn normalarına zidd olduğu vurğulanmışdır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
ABŞ dövlət katibi Antoni Blinken Pekinə gəlib
25 Aprel
“Azərkosmos”un rəhbəri beynəlxalq konfrans iştirakçılarını ölkənin kosmik sahədə prioritetləri haqqı...
25 Aprel
Fuat Oktay: Bakıda keçirilən toplantının əməkdaşlığımıza töhfə verəcəyinə inanırıq ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!