06 Oktyabr 2012 04:10
291
PARLAMENT
A- A+

Çili Azərbaycan ilə təkcə siyasi deyil, iqtisadi, mədəni sahələrdə də əməkdaşlıq etməyə maraq göstərir

 

Milli Məclisin Sədri Oqtay Əsədov Bakıda səfərdə olan Çili-Azərbaycan dostluq qrupunun rəhbəri Enrike Akkorsinin başçılıq etdiyi  nümayəndə heyəti ilə görüşmüşdür.

Görüşdə sədr qonaqların Bakıda olduqları müddətdə Azərbaycan haqqında bilgilərini daha da artıracaqlarına,  ölkəmizin mədəniyyəti, tarixi ilə yaxından tanış olacaqlarına əminliyini bildirmişdir. Qeyd edilmişdir ki, Qərblə Şərqin qovşağında yerləşən Azərbaycan dünyada neft-qaz ölkəsi kimi tanınmışdır. İqtisadi artım  dinamikasına görə regionda liderlik edən Azərbaycan  dünya dövlətləri ilə əlaqələrin inkişafına böyük önəm verir.

Azərbaycan dost Çili ilə yüksək səviyyədə siyasi əlaqələrin genişləndirilməsində və parlamentlərarası münasibətlərin inkişafında maraqlıdır. Biz hər iki ölkə parlamentində dostluq qruplarının yaradılmasını təqdirəlayiq hesab edirik. İnanırıq ki, siyasi əlaqələrimizin yüksələn xətlə inkişafı iqtisadi münasibətlərimizə də öz müsbət təsirini göstərəcəkdir. Zənnimizcə, biznes forumların keçirilməsi, nümayəndə heyətlərinin və iş adamlarının qarşılıqlı səfərləri bu baxımdan əhəmiyyətli olacaqdır. Münasibətlərimizin hüquqi bazasının yaradılmasında hər iki ölkə  parlamentlərinin üzərinə də böyük vəzifə düşür.

Bildirilmişdir ki, bu gün sürətlə inkişaf edən Azərbaycan beynəlxalq qurumlarla sıx əməkdaşlıq edir. Ölkəmizdə yüksək səviyyəli beynəlxalq tədbirlərin keçirilməsi artıq ənənəyə çevrilmişdir. Gələcəkdə Parlamentlərarası İttifaqın 130-cu sessiyasını Bakıda keçirmək niyyətindəyik. Bu məsələdə çilili dostlarımızın dəstəyinə ümid edirik.

Çili Parlamentinin Azərbaycan ilə dostluq qrupunun rəhbəri Enrike Akkorsi Bakıda keçirilən Humanitar Forumda iştiraklarından və burada  müzakirə olunan mövzuların əhəmiyyətindən söz açmışdır. O, bu cür səfərlərin xalqlarımız və ölkələrimiz arasında əlaqələrin inkişafına xidmət etdiyini söyləmişdir.

Bildirilmişdir ki, münasibətlərimizin dərinləşməsində parlamentlər mühüm rol oynayır. Hər iki ölkənin qanunverici orqanlarında yaradılmış dostluq qrupları arasında mütəmadi görüşlərin keçirilməsi təcrübə və informasiya mübadiləsi baxımından çox önəmlidir. Çili Azərbaycan ilə təkcə siyasi deyil, iqtisadi, mədəni sahələrdə də əməkdaşlıq etməyə maraq göstərir.

 

AzərTAc,

Ağaəli MƏMMƏDOV (foto)

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video