29 Mart 2021 14:44
677
DÜNYA
A- A+

Çexiyalı milyarder Alyaskada helikopter qəzasında həlak olub

 

PPF beynəlxalq maliyyə-investisiya qrupunun sahibi, Çexiyalı milyarder Petr Kellner şənbə günü Alyaska ştatının Byutt şəhəri yaxınlığında “Eurocopter AS50” helikopterinin qəzaya uğraması nəticəsində həlak olanların arasındadır.

AZƏRTAC xarici KİV-lərə istinadla xəbər verir ki, PPF kompaniyasının mətbuat katibi Yitka Tkadlesov Çexiyanın ən varlı vətəndaşının həlak olması faktını təsdiqləyib.

Petr Kellner 2019-cu ildən PPF kompaniyasının 98,93 faizinin sahibi idi. “Forbes” jurnalının məlumatına görə, onun varidatı 15,5 milyard dollara çatırdı. Kellner son 15 ildə dünyanın ən varlı insanlarının reytinqində yer alırdı.

Qeyd edək ki, “Eurocopter AS50” helikopterinin Alyaskada qəzaya uğraması nəticəsində azı beş nəfər həlak olub. Qəza Knik buzlağı rayonunda baş verib. Ölənlər arasında Petr Kellnerdən başqa daha bir çexiyalının da olduğu bildirilir.

Hələlik qəzanın səbəbi müəyyən olunmayıb. ABŞ-ın Nəqliyyatda Təhlükəsizlik üzrə Milli Şurası insidentlə bağlı təhqiqata başlayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video