15 Aprel 2018 12:04
1362
Oxucu məktubları
A- A+

Bu gün təklif, sabah...

 

Astara rayonundakı Şuvi kənd inzibati ərazi dairəsi üzrə nümayəndəliyinə 7 kənd daxildir. Əhalinin əsas məşğuliyyəti çayçılıq, sitrusçuluq, heyvandarlıq, arıçılıqdır. Şuvi, Sərək, Səlivə və Deqədi kəndlərinin ərazilərində 190 hektar yeni əkin sahəsi salınmışdır. Bunun 90 hektarı çay plantasiyalarıdır. Əkin sahələrinə qulluq etmək üçün 6 briqada yaradılaraq 320 nəfərdən çox insan daimi işlə təmin olunmuşdur.

Son illər nümayəndəlikdə abadlıq-quruculuq işləri də xeyli artmışdır. Ərçivan-Şuvi-Qapıçıməhəllə avtomobil yolu asfaltlaşdırılmış, Şuvi kəndində 480 yerlik orta məktəb binası tikilərək istifadəyə verilmiş, bir neçə kənd qazlaşdırılmışdır.

Özü də problemlərin bir qismi rayon icra hakimiyyəti başçısının nümayəndəlikdə keçirdiyi səyyar qəbul və görüşlərdən sonra həll edilmişdir. Məsələn, belə görüşlərdə qaldırılan məsələlərdən biri Siyatük kənd məktəbi ilə bağlı idi. Çox keçmədən rayon rəhbərliyinin köməyi ilə məktəb binasının tikintisinə başlandı və artıq inşaat işləri başa çatmaq üzrədir.

Bu yaxınlarda Şuvi kəndində rayon icra hakimiyyəti başçısının keçirdiyi səyyar qəbul və görüşdə adəti üzrə rayonun hüquq mühafizə orqanlarının, idarə, müəssisə və təşkilatların rəhbərləri də iştirak edirdilər. Görüşdə çıxış edən sakinlər çay sularının bir hissəsini yuduğu Deqədi-Sərək yolunun təmiri, Yuxarı Şuvi yaşayış massivində əlavə elektrik transformatorunun qoyulması, Deqədi kənd ümumi orta məktəb binasının yaxınlığından keçən yüksək gərginlikli elektrik xəttinin yerinin dəyişdirilməsi, Sərək kənd tam orta məktəbi və Şuvi kənd uşaq  bağçası üçün yeni binanın tikintisi və digər məsələlər barədə istək və arzularını bildirdilər.

Rayon icra hakimiyyətinin başçısı Qəzənfər Ağayev həlli qısa müddətdə mümkün olan məsələlər barədə müvafiq qurumların rəhbərlərinə tapşırıqlar verib bildirdi ki, Səlivə və Deqədi kəndlərinin təbii qazla təmin edilməsinə start verilmiş, mütəxəssislər ərazidə layihələşdirmə işlərinə başlamışlar.

Dediyim odur ki, səyyar qəbulların və görüşlərin səmərəsi çox olur, bir çox adi və digər məsələlər öz həllini daha tez tapır. İnanırıq ki, bu dəfə də belə olacaq.

 

Səfail MƏMMƏDOV,

Astara rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video